Abdulla Qodiriy nomidagi Özbekiston Respublikasi davlat mukofoti

Abdulla Qodiriy nomidagi Özbekiston Respublikasi davlat mukofoti - ÖzRning badiiy ijod sohasidagi ilk oliy mukofoti. 1991 y. 6 fev.da ta'sis etilgan. Uşbu mukofotning ta'sis etilişi mustaqillik yölida jonini fido etgan özbek adibining xotirasini tiklabgina qolmay, millat ğururi, şa'ni, ma'naviyati uçun kuraşgan ajdodlarga nisbatan körsatilayotgan xalq ehtiromining namunasi böldi. Bu mukofot adabiyot, san'at va me'morlik sohasida yaratilgan, milliy istiqlol ğoyalarini yorqin badiiy şakllarda aks ettirgan, Özbekistonning buyuk tarixini va hoz. yuksaliş jarayonlarini haqqoniy obrazlar orqali gavdalantirgan va keng jamoatçilik tomonidan tan olingan yetuk asarlar uçun beriladi. Mukofotga sönggi turt yil mobaynida yaratilgan, e'lon qilingan, alohida kitob şaklida naşr etilgan, körgazmaga qöyilgan, mamlakatimizda ommaviy ravişda naşr va ijro etilgan adabiyot, musiqa, teatr-sahna, kinematografiya, televideniye asarlari kurib çiqiş uçun qabul qilinadi. Bu mukofotga taqdim etiş töğrisidagi qarorlar vazirliklar, davlat qömitalari, ijodiy uyuşmalar, respublika va xalqaro jamoat taşkilotlari rahbar organlari tomonidan qabul qilinadi. ÖzRning boşqa Davlat mukofotiga ilgari sazovor bulgan asarlar bu mukofotga tavsiya etilmaydi. Bir mukofotga talabgorlar soni 3 kişidan oşmasligi lozim. Mukofotga sazovor bulgan ijodkorlarga yorliq va faxriy nişon topşiriladi. Abdulla Qodiriy nomidagi uçta Davlat mukofotining har biri 80 ta eng kam oylik iş haqi miqdorida belgilangan. Mukofot puli mualliflar jamoasi örtasida (agar ular bir ijodkordan köp bölsa) teng uluşlarda taqsimlanadi. ÖzR Vazirlar Mahkamasining 1996 y. 13 fev. qarori b-n mukofotni beriş tartibi takomillaştirildi. 1997 y.dan ÖzR Prezidentining farmoni b-n, xar uç yilda bir marta Mustaqillik bayrami arafasida beriladigan böldi. Bu mukofotga ilk bor (1994) yozuvçi Toğay Murod (Toğay Mentorov), haykaltaroşlar Ilhom Jabborov va Kamol Jabborov, rassomlar Lutfulla Abdullayev, Alişer Mirzayev sazovor bulganlar.