Abdurahim Muhamedov
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 909–910-b. — ziyouz.com
Muhamedov Abdurahim (1923.10.7 -Toşkent — 1980.10.2) — kompozitor, Özbekistonda xizmat körsatgan san'at arbobi (1975). Toşkent konservatoriyasini tugatgan (1955). 2-jahon uruşi qatnaşçisi (1942—43). Özbek davlat filarmoniyasida sozanda (1945—52), musiqa rahbari (1965—71 va 1975— 77), Madaniyat vazirligida yöriqçi, boşqarma boşliği (1955—56, 1960— 64), Özbekiston televideniyesi (1958— 60) va Ğafur Ğulom nomidagi Adabiyot va san'at naşriyotida (1972—74) musiqa muharriri. Ijodida musiqali komediya va qöşiq janrlari asosiy örin egallagan. Kuylari özbek musiqa merosi an'analariga tayangan, öziga xos intonatsionritmik uslubi b-n ajralib turadi. M. «Jon qizlar» (K. Şanğitboyev, K. Boyseitov pyesasi, 1963), «Gavhari şamçiroq» (S. Uluğzoda, 1967), «Toğ gözali» (S. Saidmurodov, 1972), «Olifta» (F. Musajonov; N. Xalilov b-n hamkorlikda, 1974) kabi musiqali drama va komediyalar yozgan. M.ning «Jon kizlar», «Yetti qiz», «Jon Özbekiston», «Şohi sözana», «Alla», şuningdek, bolalar qöşiqlari («Kapalak», «Arça qöşiği», «Qöğirçoğim, alla-yo» va b.) ommaviylaşgan.
Asl matn (kirill, PDF'dagidek)
МУҲАМЕДОВ Абдураҳим (1923.10.7 -Тошкент — 1980.10.2) — композитор, Ўзбекистонда хизмат кўрсатган санъат арбоби (1975). Тошкент консерваториясини тугатган (1955). 2-жаҳон уруши қатнашчиси (1942—43). Ўзбек давлат филармониясида созанда (1945—52), мусиқа раҳбари (1965—71 ва 1975— 77), Маданият вазирлигида йўриқчи, бошқарма бошлиғи (1955—56, 1960— 64), Ўзбекистон телевидениеси (1958— 60) ва Ғафур Ғулом номидаги Адабиёт ва санъат нашриётида (1972—74) мусиқа муҳаррири. Ижодида мусиқали комедия ва қўшиқ жанрлари асосий ўрин эгаллаган. Куйлари ўзбек мусиқа мероси анъаналарига таянган, ўзига хос интонационритмик услуби б-н ажралиб туради. М. «Жон қизлар» (К. Шанғитбоев, К. Бойсеитов пьесаси, 1963), «Гавҳари шамчироқ» (С. Улуғзода, 1967), «Тоғ гўзали» (С. Саидмуродов, 1972), «Олифта» (Ф. Мусажонов; Н. Халилов б-н ҳамкорликда, 1974) каби мусиқали драма ва комедиялар ёзган. М.нинг «Жон кизлар», «Етти қиз», «Жон Ўзбекистон», «Шоҳи сўзана», «Алла», шунингдек, болалар қўшиқлари («Капалак», «Арча қўшиғи», «Қўғирчоғим, алла-ё» ва б.) оммавийлашган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.