Asosiy mazmunga ötiş

Nima yangi v1.8.1 · 27-oktabr

Hamma versiyalar →
Qidiriş…Ctrl K

    Şrift ölçami

    Mualliflar uçun

    Manbaa'ga nima yozsa böladi

    Qisqasi: abadiy bilim — gazeta emas. Manbaa'da faqat vaqt ötsa ham qiymatini yöqotmaydigan, qayta-qayta murojaat qilinadigan bilim turadi. Bugun öqib ertaga unutiladigan xabar bu yerga kirmaydi.

    Yozişdan oldin — 3 savol

    1. 10 yildan keyin ham kerakmi? Kerak bölsa — Manbaa uçun. Ertaga eskirsa — yangilik sayti uçun.
    2. Manbasi bormi? Kitob, ilmiy maqola, rasmiy hujjat, ensiklopediya. Manbasiz fakt qabul qilinmaydi.
    3. Bu fakt yoki fikr? «1992-yil 8-dekabrda qabul qilingan» — fakt. «Menimça, eng muhim jihati…» — fikr. Ikkalasi ham kerak, faqat har biri öz joyida.

    Nima kiradi

    • Borliqdagi narsa va tuşunça

      Vaqt ötsa ham ma'nosini yöqotmaydigan bilim: atama, fan, hodisa, ğoya. Masalan: Demokratiya, Zettelkasten, Grafik dizayn.

    • Şaxslar, kitoblar, joylar

      Kim bölgan, nima yozgan, qayerda — hayoti va işi, sanalari manbasi bilan. Masalan: Alişer Navoiy, Xamsa, Samarqand.

    • Tugagan tarixiy davr va voqea

      Voqea tarixga aylangaç — tugagan va baholangan davr. Masalan: Ikkinçi jahon uruşi, Temuriylar.

    • Huquqiy hujjat

      Farmon, qonun, konstitutsiya, strategiya — qabul sanasi va rasmiy manbasi bilan. Masalan: Konstitutsiya.

    • Tarixi bilan narsa va taşkilot

      Qaçon paydo bölgani, qanday özgargani — bugungi narxi yoki aksiyasi emas. Masalan: Toşkent metropoliteni.

    Nima kirmaydi

    • Yangilik va yaqindagi voqeaHatto katta voqea ham (masalan, yaqindagi zilzila) — avval tarixga aylansin. Tarixga aylangaç manba böladi.
    • Reyting va röyxat«Eng yaxşi telefonlar», «Forbes röyxati» — har yili özgaradi.
    • Miş-miş va tasdiqlanmagan gapManbasi yöq yoki «eşitişimça» bilan boşlangan xabar.
    • Mahsulot taqdimoti va reklamaÖz biznesi, xizmati, aksiyasi, «bizdan sotib oling».
    • Davom etayotgan kampaniyaSaylov taşviqoti, aksiya, tanlov — tugamagunça.
    • Statistika töplamiKunlik kurs, narx, ob-havo — ular saytning özida avtomatik yangilanadi.
    • Tirik odamning şaxsiy ma'lumotiTelefon, manzil, oilaviy tafsilot — heç qaçon.

    Çegara sözda emas — mohiyatda. «Pandemiya 2020–2023» — tugagan tarixiy davr, kiradi; «bugungi kasallaniş soni» — kirmaydi.

    Fakt va fikr — ikki qatlam

    Manbaa'da har mavzu ikki qatlamdan iborat. Asosiy matn — faktlar, manbasi bilan; uni heç kim töğridan-töğri özgartirmaydi, har özgariş Sanadda körinadi. Fikrlar — insonlarning mulohazasi, muallifi nomi bilan; fikr rad etilmaydi, çunki fikr nisbiy tuşunça.

    Masalan, «Konstitutsiya — huquqlarimiz va kelajagimiz kafolati» degan inşo — yangi mavzu emas, Konstitutsiya mavzusi ostidagi fikr. Undagi aniq sanalar va moddalar esa asosiy matnga manbasi bilan qöşiladi.

    Mavzu nomi — tuşunçaning özi

    Nom sarlavha yoki savol emas. Qidirgan odam nima deb yozsa — öşa. Sahifa manzilini (slug) nomdan tizim özi yasaydi.

    YozilganTöğrisiNega
    Konstitutsiya — huquqlarimiz va kelajagimiz kafolatiKonstitutsiyaSarlavha emas — tuşunçaning özi. Inşo — fikr sifatida.
    Grafik dizayn qaçon paydo bölgan?Grafik dizaynSavol emas — mavzu. Tarixi — «Tarixi» bölimi.
    Navoiyning hayoti va ijodi haqidaAlişer NavoiyŞaxs — ismi bilan. Hayoti va ijodi — bölimlar.
    Eng zör 10 ta kitob—Reyting — kirmaydi. Har kitob alohida mavzu bölişi mumkin.

    Bölimlar tayyor turadi

    Har mavzu turi uçun bölimlar (karkas) oldindan belgilangan — yozuvçi ularni öylab ötirmaydi, faqat töldiradi. Şunda har şaxs, har kitob bir xil tartibda öqiladi.

    • ŞaxsHayoti · Ijodi (faoliyati) · Merosi
    • KitobMazmuni · Yoziliş tarixi · Ta'siri
    • JoyJoylaşuvi · Tarixi · Bugun
    • Atama va fanTa'rifi · Kelib çiqişi · Qöllanişi
    • VoqeaSabablari · Borişi · Oqibatlari

    Tayyormisiz?

    Mavzu taklif qiling yoki matndagi xatoni körsating — manbasi bilan. Har qabul qilingan hissa sizning nomingiz bilan abadiy qoladi: hissa qöşiş.

    Manbaa markazi