Abrbandi
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 57-b. — ziyouz.com
Abrbandi (fors-toj.) - atlas, şoyi tanda iplariga gul (naqş) soliş usuli. Bu usul qöl mehnatiga asoslangan: naqşdor qilib böyaladigan tanda iplarini oldin qatqoziqqa örab, har 40 — 50 — 60 liviti bir qat qilib qatlanadi. Uning orasiga abrbandi çöpsa solib, qölqoziqlarga tarang tortib boğlab, livitlari yoziladi. Keyin tandaning yuzi böylab gullar çiziladi. Bu gullar bir neça rangda bölişi va har bir rang alohida bosqiçma bosqiç böyalişi lozim: livitlarning bir rangda böyaladigan joylari oçiq qoldirilib, boşqa joylari abr iplar b-n örab böğiladi va böyoqqa solib bir neça minut saqlanadi. Ipakka rang yaxşi singişi uçun aççiqtoş eritmasi (aççiqqozon)ga solib olinadi va quritiladi. Söng böyoq içgan livitlar böğiladi, boşqa livitlari yeçilib, ikkinçi xil böyoqqa böyaladiganlari oçiq qoldirilib, boşqalari yana mahkam böğilib, böyoqqa solinadi va h.k. Tanda ipining abr böğilmay qolgan, ammo mayda gullar tuşadigan joyi kosa böyoqda böyaladi. Tandaning hammasi böyalib, aççiqtoşga solinib quritilgaç, juftlangan livitlar qayta tortiladi. Gul berilgan naxlar (eniga) yoziladi va matoning butun guli töliq şakl oladi. Gul solingan tandaga gula kötarib, tiğdan ötkazilgandan söng, töqiş uçun dastgohga solinadi.
Asl matn (kirill, PDF'dagidek)
АБРБАНДИ (форс-тож.) - атлас, шойи танда ипларига гул (нақш) солиш усули. Бу усул қўл меҳнатига асосланган: нақшдор қилиб бўяладиган танда ипларини олдин қатқозиққа ўраб, ҳар 40 — 50 — 60 ливити бир қат қилиб қатланади. Унинг орасига абрбанди чўпса солиб, қўлқозиқларга таранг тортиб боғлаб, ливитлари ёзилади. Кейин танданинг юзи бўйлаб гуллар чизилади. Бу гуллар бир неча рангда бўлиши ва ҳар бир ранг алоҳида босқичма босқич бўялиши лозим: ливитларнинг бир рангда бўяладиган жойлари очиқ қолдирилиб, бошқа жойлари абр иплар б-н ўраб бўғилади ва бўёққа солиб бир неча минут сақланади. Ипакка ранг яхши сингиши учун аччиқтош эритмаси (аччиққозон)га солиб олинади ва қуритилади. Сўнг бўёқ ичган ливитлар бўғилади, бошқа ливитлари ечилиб, иккинчи хил бўёққа бўяладиганлари очиқ қолдирилиб, бошқалари яна маҳкам бўғилиб, бўёққа солинади ва ҳ.к. Танда ипининг абр бўғилмай қолган, аммо майда гуллар тушадиган жойи коса бўёқда бўялади. Танданинг ҳаммаси бўялиб, аччиқтошга солиниб қуритилгач, жуфтланган ливитлар қайта тортилади. Гул берилган нахлар (энига) ёзилади ва матонинг бутун гули тўлиқ шакл олади. Гул солинган тандага гула кўтариб, тиғдан ўтказилгандан сўнг, тўқиш учун дастгоҳга солинади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.