Abu Bakr Siddiq
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 62–63-b. — ziyouz.com
Abu Bakr Siddiq (töliq nomi - Abu Bakr Siddiq Abdulloh ibn Abu Qahhofa ibn Omir; 571 — 634) — Muhammad(sav) da'vati b-n islomni birinçilardan bölib qabul qilgan, dastlabki tört xalifadan birinçisi (632—634). Muhammad(sav)ning eng yaqin safdoşi, qaynotasi (Oyşaning otasi). Yirik savdogar. Makkaning qurayş qabilasidan. Islomga kirişdan oldin ismi Abdulka'ba edi. Abdullo ismini Muhammad(sav) qöygan. Siddiq deb atalişiga sabab şuki, isro va me'roj hodisasini eng birinçi bölib tasdiqlagan. Muhammad payğambar(sav) unga Siddiq, ya'ni imoni kuçli deb laqab berdi. Makkadan Madinaga hijrat qilişda Muhammad(sav)ga hamroh, ğorda hamnişin böldi. Badr, Uhud, Handaq, Xudaybiya va b. joylardagi janglarda iştirok etdi. A. B. S. obröli va badavlat kişi bölgani uçun köp odamlarga yordam qildi, çunonçi, Bilol Habaşiyni qullikdan sotib olib, ozod etdi. Muhammad(sav) vafotidan keyin birinçi xalifa bölib saylandi (632). Arab qabilalarining Madina hokimiyatiga qarşi kötargan qözgolonlarini bostirdi. A. B. S xalifaligi davrida arablar Iroq va Suriyani fath qildi. A. B. S Madinada vafot etdi va Muhammad (sav) yoniga dafn qilindi.
Asl matn (kirill, PDF'dagidek)
АБУ БАКР СИДДИҚ (тўлиқ номи - Абу Бакр Сиддиқ Абдуллоҳ ибн Абу Қаҳҳофа ибн Омир; 571 — 634) — Муҳаммад(сав) даъвати б-н исломни биринчилардан бўлиб қабул қилган, дастлабки тўрт халифадан биринчиси (632—634). Муҳаммад(сав)нинг энг яқин сафдоши, қайнотаси (Ойшанинг отаси). Йирик савдогар. Макканинг қурайш қабиласидан. Исломга киришдан олдин исми Абдулкаъба эди. Абдулло исмини Муҳаммад(сав) қўйган. Сиддиқ деб аталишига сабаб шуки, исро ва меърож ҳодисасини энг биринчи бўлиб тасдиқлаган. Муҳаммад пайғамбар(сав) унга Сиддиқ, яъни имони кучли деб лақаб берди. Маккадан Мадинага ҳижрат қилишда Муҳаммад(сав)га ҳамроҳ, ғорда ҳамнишин бўлди. Бадр, Уҳуд, Ҳандақ, Худайбия ва б. жойлардаги жангларда иштирок этди. А. Б. С. обрўли ва бадавлат киши бўлгани учун кўп одамларга ёрдам қилди, чунончи, Билол Ҳабашийни қулликдан сотиб олиб, озод этди. Муҳаммад(сав) вафотидан кейин биринчи халифа бўлиб сайланди (632). Араб қабилаларининг Мадина ҳокимиятига қарши кўтарган қўзголонларини бостирди. А. Б. С халифалиги даврида араблар Ироқ ва Сурияни фатҳ қилди. А. Б. С Мадинада вафот этди ва Муҳаммад (сав) ёнига дафн қилинди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.