Abu Dulaf Mis'ar ibn Muhalhil al-Xazrajiy Yanbuiy
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 63-b. — ziyouz.com
Abu Dulaf Mis'ar ibn Muhalhil al-Xazrajiy Yanbuiy (10-a.) — sayyoh, geograf va şoir. Asli Madina ş.ga tobe xazraj qabilasidan. 10-a.ning 1-çoragida Buxoroga kelgan. 914 — 942 y.larda Somoniylar amiri Nasr ibn Ahmad saroyida xizmat qilgan. U 942 y.da Buxoroga kelgan Xitoy elçilariga hamroh bölib Şarqiy Turkiston, Tibet va Xitoyga borgan, şuningdek Eron va Hindistonga ham sayohat qilgan. Yettisuvda qarluqlarning yoğoçdan qurilgan ibodatxonasi borligini va uning devorlariga çizilgan ötmiş podşolarining rasmlarini körganligini yozgan. Uning tarixiy geogr.ga oid «Risolat ulavval» («Birinçi risola») va «Risolat ul-uxro» («Ikkinçi risola») asarlari borligi ma'lum. Bular Movarounnahr, Xitoy va Hindistonning tarixiy geografiyasiga oid tarixiy manba sifatida muhim ahamiyatga ega.
Asl matn (kirill, PDF'dagidek)
АБУ ДУЛАФ Мисъар ибн Муҳалҳил ал-Хазражий Янбуий (10-а.) — сайёҳ, географ ва шоир. Асли Мадина ш.га тобе хазраж қабиласидан. 10-а.нинг 1-чорагида Бухорога келган. 914 — 942 й.ларда Сомонийлар амири Наср ибн Аҳмад саройида хизмат қилган. У 942 й.да Бухорога келган Хитой элчиларига ҳамроҳ бўлиб Шарқий Туркистон, Тибет ва Хитойга борган, шунингдек Эрон ва Ҳиндистонга ҳам саёҳат қилган. Еттисувда қарлуқларнинг ёғочдан қурилган ибодатхонаси борлигини ва унинг деворларига чизилган ўтмиш подшоларининг расмларини кўрганлигини ёзган. Унинг тарихий геогр.га оид «Рисолат улаввал» («Биринчи рисола») ва «Рисолат ул-ухро» («Иккинчи рисола») асарлари борлиги маълум. Булар Мовароуннаҳр, Хитой ва Ҳиндистоннинг тарихий географиясига оид тарихий манба сифатида муҳим аҳамиятга эга.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.