Abu Ma'şar Ja'far ibn Muhammad ibn Umar al-Balxiy
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 64–65-b. — ziyouz.com
Abu Ma'şar Ja'far ibn Muhammad ibn Umar al-Balxiy (? — 886) — xurosonlik munajjim (astrolog). Örta asrda Yevropada Albumasar nomi b-n maşhur bölgan. Bağdodga yaqin yerda Ali ibn Yahyo ibn Munajjimning «Aql xazinasi» deb nom olgan şaxsiy kutubxonasidan bahramand böliş b-n birga, uning moddiy yordamida ilmi nujumni örganişga kirişgan. Abu M. J. 100 yildan köproq umr körgan va 30 dan ortiq asar yozgan. Uning «Madxal ilo ilmi ahkom in-nujum» («Yulduz hukmi haqidagi ilmga kiriş») nomli asari Yevropada keng tarqalgan. Özbekiston FA Şarqşunoslik in-tida uning «Muxtasar dar ilmi nujum» («Yulduzlar ilmi haqida qisqaça bayon») asarining qölyozma nusxasi saqlanadi. Astrologiyaga oid bu kiçik asarda hafta kunlari sanalib, kunning qaysi vaqtida qaysi sayyora qayerda turişi va kunning ma'lum bir soatida qanday işlarni boşlaş mumkin va mumkin emasligi bayon etiladi. Abu M J. hadis va diniy ilmlar b-n ham şuğullangan.
Asl matn (kirill, PDF'dagidek)
АБУ МАЪШАР ЖАЪФАР ибн Муҳаммад ибн Умар ал-Балхий (? — 886) — хуросонлик мунажжим (астролог). Ўрта асрда Европада Альбумасар номи б-н машҳур бўлган. Бағдодга яқин ерда Али ибн Яҳё ибн Мунажжимнинг «Ақл хазинаси» деб ном олган шахсий кутубхонасидан баҳраманд бўлиш б-н бирга, унинг моддий ёрдамида илми нужумни ўрганишга киришган. Абу М. Ж. 100 йилдан кўпроқ умр кўрган ва 30 дан ортиқ асар ёзган. Унинг «Мадхал ило илми аҳком ин-нужум» («Юлдуз ҳукми ҳақидаги илмга кириш») номли асари Европада кенг тарқалган. Ўзбекистон ФА Шарқшунослик ин-тида унинг «Мухтасар дар илми нужум» («Юлдузлар илми ҳақида қисқача баён») асарининг қўлёзма нусхаси сақланади. Астрологияга оид бу кичик асарда ҳафта кунлари саналиб, куннинг қайси вақтида қайси сайёра қаерда туриши ва куннинг маълум бир соатида қандай ишларни бошлаш мумкин ва мумкин эмаслиги баён этилади. Абу М Ж. ҳадис ва диний илмлар б-н ҳам шуғулланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.