Adabiy yodgorlik
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 180-b. — ziyouz.com
Adabiy yodgorlik - biror xalqning muayyan davrdagi hayoti, tili va madaniyati, urf-odatlari haqida ma'lumot beruvçi oğzaki yoki yozma adabiyot namunasi. A.yo. muayyan adabiyotning paydo bölişi va şakllanişida muhim adabiy-tarixiy ahamiyatga ega. Yusuf Xos Hojibning «Qutadğu bilig», Mahmud Koşğariyning «Devonu luğotit turk», Ahmad Yugnakiyning «Hibat ul-haqoyiq» asarlari turkiy xalqlarning muştarak A. yo.gi, tilşunoslik, adabiyotşunoslik, tarix, etnografiyaga oid qimmatli manbalardir. Ularning bizgaça qölyozma nusxalari yetib kelgan. A.yo.larning ba'zilari, mas, «Tömaris» afsonasining mazmuni yunon tarixçisi Gerodotning «Tarix» kitobi, «Şiroq» afsonasining mazmuni yunon tarixçisi Polienning «Harbiy hiylalar» kitobi orqali yetib kelgan.
Ad.: Özbek adabiyoti tarixi, 5 j.li, 1-j. T., 1977; Rahmonov N., Toşga bitilgan kitoblar, T., 1983.
Asl matn (kirill, PDF'dagidek)
АДАБИЙ ЁДГОРЛИК - бирор халқнинг муайян даврдаги ҳаёти, тили ва маданияти, урф-одатлари ҳақида маълумот берувчи оғзаки ёки ёзма адабиёт намунаси. А.ё. муайян адабиётнинг пайдо бўлиши ва шаклланишида муҳим адабий-тарихий аҳамиятга эга. Юсуф Хос Ҳожибнинг «Қутадғу билиг», Маҳмуд Кошғарийнинг «Девону луғотит турк», Аҳмад Югнакийнинг «Ҳибат ул-ҳақойиқ» асарлари туркий халқларнинг муштарак А. ё.ги, тилшунослик, адабиётшунослик, тарих, этнографияга оид қимматли манбалардир. Уларнинг бизгача қўлёзма нусхалари етиб келган. А.ё.ларнинг баъзилари, мас, «Тўмарис» афсонасининг мазмуни юнон тарихчиси Геродотнинг «Тарих» китоби, «Широқ» афсонасининг мазмуни юнон тарихчиси Полиэннинг «Ҳарбий ҳийлалар» китоби орқали етиб келган.
Ад.: Ўзбек адабиёти тарихи, 5 ж.ли, 1-ж. Т., 1977; Раҳмонов Н., Тошга битилган китоблар, Т., 1983.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.