Adajio
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 183-b. — ziyouz.com
Adajio (ital. adagio — sekin, vazmin) — 1) musiqada — sekin sur'at, andantedan sekin, lekin largo, lentolardan jonli; 2) şu ijro us-lubida yaratilgan musiqiy asar yoki turkumli şakl qismi. Ba'zi mumtoz simfoniyalar muqaddimasi A. sur'atida yozilgan (I. Gaydn, V. Motsart, L. Betxoven va b.) Özbekiston kompozitorlari ijodida A. kup uçraydi. Mas, M. Tojiyevning kamer orkestri uçun «Adajio» 3simfoniyasidagi 1-qismining boşlanğiç bölagi, 4simfoniyasining 4-qismi A. sur'atida; 3) baletda ohangdor, mayin taraluvçi musiqa jörligida, köpinça, ohista harakatlardan tuzilgan, bir yoki ikki kişilik nafis lirik raqs. Ba'zan mustaqil raqs parçasi (pa-de-dyo, pa-detrua, pa dak-son, gran pa); Ik. Akbarovning «Orzu» baletida katta A., M. Aşrafiyning «Sevgi tumori» baletida A. qismlari mavjud; 4) asosan muvozanatni saqlaşga yordam beradigan ohista, sekinlaştirilgan maşqlardan iborat yevropaça mumtoz raqs maşğulotining bir qismi.
Asl matn (kirill, PDF'dagidek)
АДАЖИО (итал. adagio — секин, вазмин) — 1) мусиқада — секин суръат, андантедан секин, лекин ларго, лентолардан жонли; 2) шу ижро ус-лубида яратилган мусиқий асар ёки туркумли шакл қисми. Баъзи мумтоз симфониялар муқаддимаси А. суръатида ёзилган (И. Гайдн, В. Моцарт, Л. Бетховен ва б.) Ўзбекистон композиторлари ижодида А. куп учрайди. Мас, М. Тожиевнинг камер оркестри учун «Адажио» 3симфониясидаги 1-қисмининг бошланғич бўлаги, 4симфониясининг 4-қисми А. суръатида; 3) балетда оҳангдор, майин таралувчи мусиқа жўрлигида, кўпинча, оҳиста ҳаракатлардан тузилган, бир ёки икки кишилик нафис лирик рақс. Баъзан мустақил рақс парчаси (па-де-дё, па-детруа, па дак-сьон, гран па); Ик. Акбаровнинг «Орзу» балетида катта А., М. Ашрафийнинг «Севги тумори» балетида А. қисмлари мавжуд; 4) асосан мувозанатни сақлашга ёрдам берадиган оҳиста, секинлаштирилган машқлардан иборат европача мумтоз рақс машғулотининг бир қисми.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.