Addis-Abeba
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 189–190-b. — ziyouz.com
Addis-Abeba (amxara tilida — yangi gul) — Efiopiya (Habaşiston)ning poytaxti va A.-A. viloyatining ma'muriy markazi. A.-A. Efiopiya (Habaşiston) toğligida, dengiz sathidan 2400 m balandlikda. Aholisi 1,5 mln. kişi (1995). Şaharga 1887 y. imperator Menelik II asos solgan va dastlab Finfinna deb atalgan. 1889 y.dan Efiopiya poytaxti. 1936—41 y.larda A.-A.ni Italiya qöşinlari okkupatsiya qilib. turgan. A.- A. mamlakatning yirik sanoat va savdo markazi (asosan, yengil va oziq-ovqat sanoati korxonalari), transport yöllari tuguni. Aeroporti xalqaro ahamiyatga ega. Avtomobil yiğuv z-di, yoğoçsozlik, sement korxonalari bor. Kustar usulida gazlama töqiladi, çarm, metall va yoğoçdan buyumlar işlab çiqariladi. A.- A. da kollejlar, un-t, bir qança ilmiy tadqiqot in-tlari (jumladan, Efiopiyaşunoslik in-ti), Milliy teatr, Tarixetnografiya muzeyi, tibbiyot muassasalari bor. Radio va televizion st-yalar (i960 y.dan) mavjud. BMT ning Afrika böyiça Iqtisodiy komissiyasi (1958 y.dan) va Afrika birligi taşkiloti (1963 y.dan) qarorgohi. Şaharning taşqi qiyofasida milliy va zamonaviy me'morçilik obyektlari uyğunlaşgan. Me'moriy ansambllardan Menelik II saroyi (19-a. oxiri), Yubiley qasri (1955), Afrika Uyi (1963) vab. bor.
Asl matn (kirill, PDF'dagidek)
АДДИС-АБЕБА (амхара тилида — янги гул) — Эфиопия (Ҳабашистон)нинг пойтахти ва А.-А. вилоятининг маъмурий маркази. А.-А. Эфиопия (Ҳабашистон) тоғлигида, денгиз сатҳидан 2400 м баландликда. Аҳолиси 1,5 млн. киши (1995). Шаҳарга 1887 й. император Менелик II асос солган ва дастлаб Финфинна деб аталган. 1889 й.дан Эфиопия пойтахти. 1936—41 й.ларда А.-А.ни Италия қўшинлари оккупация қилиб. турган. А.- А. мамлакатнинг йирик саноат ва савдо маркази (асосан, енгил ва озиқ-овқат саноати корхоналари), транспорт йўллари тугуни. Аэропорти халқаро аҳамиятга эга. Автомобиль йиғув з-ди, ёғочсозлик, цемент корхоналари бор. Кустарь усулида газлама тўқилади, чарм, металл ва ёғочдан буюмлар ишлаб чиқарилади. А.- А. да коллежлар, ун-т, бир қанча илмий тадқиқот ин-тлари (жумладан, Эфиопияшунослик ин-ти), Миллий театр, Тарихэтнография музейи, тиббиёт муассасалари бор. Радио ва телевизион ст-ялар (i960 й.дан) мавжуд. БМТ нинг Африка бўйича Иқтисодий комиссияси (1958 й.дан) ва Африка бирлиги ташкилоти (1963 й.дан) қароргоҳи. Шаҳарнинг ташқи қиёфасида миллий ва замонавий меъморчилик объектлари уйғунлашган. Меъморий ансамбллардан Менелик II саройи (19-а. охири), Юбилей қасри (1955), Африка Уйи (1963) ваб. бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.