Adib Sobir Termiziy
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 192-b. — ziyouz.com
Adib Sobir Termiziy (Şohobiddin ibn Ismoil) (1078 — Termiz — 1147) — şoir. Termizda voyaga yetgan. Falakiyot va riyoziyot b-n şuğullangan. Bir neça yil Arabiston va Xurosonda sayohatda yurgan. 30 yil Xuroson hoki-mi Abulqosim Ali ibn Ja'far saroyida, söng Marvda saljuqiy hukmdor Sulton Sanjar saroyida xizmat qilgan, adabiy muhit b-n tanişgan. Umar Xayyom, Futuxiy, Marvoziy, Anvariy, Kotibiy, Said Hasan Ğaznaviy kabi şoir va olimlar b-n muloqotda bölgan. A. S. T. ijodida ijtimoiy, ta'lim-tarbiyaviy fikrlar, ilm-fan, odob va axloqni uluğlaş, işqmuhabbat va tabiat gözalliklarini kuylaş asosiy örinni egallagan («Nihoyat haddan oşdi...», «Ilm şarafiga...», «Bahor fasli...», «Garçi olimning...», «Keçamiz tugaru oxir tong otar», «Bir zamon bölgayki...» va b.). Tarjiband va ruboiylarining köpçiligida hayotiy voqealar aks etgan. Şe'rlari asosan fors tilida. Şe'rlari va devonining bir neça qölyozma nusxalari Özbekiston FA Şarqşunoslik in-tida saqlanadi. Devoni Eronda (1952) naşr etilgan, unga 109 qasida, 66 ğazal, 113 qit'a, 7 tarjiband, 92 ruboiydan iborat 7000 bayt şe'r kirgan. As: Tanlangan asarlar, T., 1979; Saylanma, T., 1982.
Asl matn (kirill, PDF'dagidek)
АДИБ СОБИР ТЕРМИЗИЙ (Шоҳобиддин ибн Исмоил) (1078 — Термиз — 1147) — шоир. Термизда вояга етган. Фалакиёт ва риёзиёт б-н шуғулланган. Бир неча йил Арабистон ва Хуросонда саёҳатда юрган. 30 йил Хуросон ҳоки-ми Абулқосим Али ибн Жаъфар саройида, сўнг Марвда салжуқий ҳукмдор Султон Санжар саройида хизмат қилган, адабий муҳит б-н танишган. Умар Хайём, Футухий, Марвозий, Анварий, Котибий, Саид Ҳасан Ғазнавий каби шоир ва олимлар б-н мулоқотда бўлган. А. С. Т. ижодида ижтимоий, таълим-тарбиявий фикрлар, илм-фан, одоб ва ахлоқни улуғлаш, ишқмуҳаббат ва табиат гўзалликларини куйлаш асосий ўринни эгаллаган («Ниҳоят ҳаддан ошди...», «Илм шарафига...», «Баҳор фасли...», «Гарчи олимнинг...», «Кечамиз тугару охир тонг отар», «Бир замон бўлгайки...» ва б.). Таржибанд ва рубоийларининг кўпчилигида ҳаётий воқеалар акс этган. Шеърлари асосан форс тилида. Шеърлари ва девонининг бир неча қўлёзма нусхалари Ўзбекистон ФА Шарқшунослик ин-тида сақланади. Девони Эронда (1952) нашр этилган, унга 109 қасида, 66 ғазал, 113 қитъа, 7 таржибанд, 92 рубоийдан иборат 7000 байт шеър кирган. Ас: Танланган асарлар, Т., 1979; Сайланма, Т., 1982.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.