Adventistlar

Adventistlar (lot. adventus — voqe böliş) — xristian sektalaridan biri. 19-a.ning birinçi yarmida AQŞda vujudga kelgan. Sekta a'zolari «Isoning qaytib kelişi» yaqinligiga, xudoning ming yillik va tanho hukmronligi boşlanişiga işonadilar. Asosçisi baptist U. Miller (1782 — 1849). «Muqaddas yozuvlar va 1843 y.da Isoning 2-marta voqe bölişi hamda 1000 yillik hukmronligi haqida tarixiy dalillar» kitobida Bibliya tarkibiga kirgan payğambarlar kitoblariga suyanib, Isoning 2-marta kelişiga doir özi belgilagan muddatni asoslaşga uringan. A. harakati bir neça tarmoqlarga bölinib ketgan. Eng yirigi — «Yettinçi kun adventistlari»dir. A. insoniyat tarixi Iso va şayton örtasidagi abadiy kuraşdan iborat, bu kuraş şaytonning halokati b-n tugaydi, xalos bölişning birdan-bir yöli A. e'tiqodini qabul qilişdir, deb işonadi. A. jonning ölmasligini inkor etadi: jon tana b-n birga öladi va Isoning qaytib kelgan kuni yana tiriladi. Ular xudo olamni yaratayotganda şanbada dam olgan, deydilar va şu sababli şanba kunini bayram qiladilar. Şuning uçun Rossiyada A. özlarini subbotniklar deb ataydilar. Bu sekta MDHda, jumladan, Özbekistonning ayrim şaharlarida ham mavjud. Ularning röyxatga olingan 9 ta jamoasi bor (1998). Mavjud bölgan barça çerkovlarga Toşkent ş.da joylaşgan Yettinçi kun xristian A.ining Örta Osiyo konferensiyasi rahbarlik qiladi. Prezidenti Robert Geybel (1992 y.dan).