Agamasimonlar
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 147-b. — ziyouz.com
Agamasimonlar (Agamidae) -kaltakesaklar kenja turkumi tangaçalilar turkumiga mansub sudralib yuruvçilar oilasi. A.ning boşi uçburçak yoki tögarak şaklda, ustki tomondan mayda tangaçalar yoki burtmaçalar b-n qoplangan. Tanasi yapaloq (yerda yaşovçi A.) yoki ikki yon tomondan siqiq (daraxt A.), oyoqlari va dumi yaxşi rivojlangan, köz qoraçiği tögarak şaklda. Köpçilik A. tişlarining taşqi körinişi sut emizuvçilarnikiga öxşaganligi uçun ularni soxta kurak, qoziq va oziq tişlilarga ajratiladi. A.ning 34 uruqqa bölinadigan 300 ga yaqin turi ma'lum. Afrika, Jan. va Markaziy Osiyoda, ayrim turlari Jan.-Şarqiy Yevropa, Avstraliya va Polineziyada tarqalgan. Özbekistonda agamalar va tögarakboşlilar uruğlariga mansub 15 ga yaqin turi tarqalgan. Oçiq daşt, çöl va toşloq joylarda yaşaydi.
Asl matn (kirill, PDF'dagidek)
АГАМАСИМОНЛАР (Agamidae) -калтакесаклар кенжа туркуми тангачалилар туркумига мансуб судралиб юрувчилар оиласи. А.нинг боши учбурчак ёки тўгарак шаклда, устки томондан майда тангачалар ёки буртмачалар б-н қопланган. Танаси япалоқ (ерда яшовчи А.) ёки икки ён томондан сиқиқ (дарахт А.), оёқлари ва думи яхши ривожланган, кўз қорачиғи тўгарак шаклда. Кўпчилик А. тишларининг ташқи кўриниши сут эмизувчиларникига ўхшаганлиги учун уларни сохта курак, қозиқ ва озиқ тишлиларга ажратилади. А.нинг 34 уруққа бўлинадиган 300 га яқин тури маълум. Африка, Жан. ва Марказий Осиёда, айрим турлари Жан.-Шарқий Европа, Австралия ва Полинезияда тарқалган. Ўзбекистонда агамалар ва тўгаракбошлилар уруғларига мансуб 15 га яқин тури тарқалган. Очиқ дашт, чўл ва тошлоқ жойларда яшайди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.