Agroelektronika
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 169–170-b. — ziyouz.com
Agroelektronika - agroaxborotlarni töplaş va q.x. işlab çiqarişini boşqarişga oid elektronika bilimlari va vositalari majmui. Asosiy vazifalari: q.x. boşqaruvi va hisob-kitob işlarini kompyuter zanjirlari orqali tahlil etiş; tuproqning mexaniq fizik-kimyoviy parametrlarini tezkor usullarda aniqlaş va ulardan amalda foydalaniş; issiqxonalar, omborlar, çorvaçilik işlari va dehqonçilik mahsuloti i.ç. texnologiyasini mikroelektron asboblar yordamida boşqariş; maxsus A. qurilmalarini loyihalaş va yaratiş, ulardan agronomiya işlarida kengroq foydalaniş; avtomatlaşgan maxsus ilmiy-texnik agroaxborot markazlarini taşkil etiş va ularga xizmat körsatiş; q.x. mahsulotlarining sifat körsatkiçlarini aniqlaş va tahlil qilişning tezkor usullarini yaratiş; q.x. ekologiyasiga oid işlarni örganişning elektron usullarini yaratiş va b. Asosiy maqsadi — q.x. ni elektronlaştiriş tizimlarini işlab çiqiş va ulardan foydalaniş.
A. mikroelektronikaning yutuqlari asosida rivojlanib, dehqonçilik işlarini kengaytiriş va hosildorlikni boşqarişda qöllanilmoqda. Turli mikroelektron datçiklar, elektron boşqaruv tizimlari, kompyuterlar va maxsus elektron qurilmalar A.ning texnikaviy asosini taşkil etadi. Rivojlangan mamlakatlarda A. qurilmalari q.x. işlab çiqarişida keng qöllaniladi. Hoz. vaqtda A. asbobsozligiga töla asos yaratilgan, turli mikroelektron ölçov asboblari, uzoqdan turib boşqarişning yirik elektron tizimlari, q.x.ga oid ilmiy-texnika axborotlarini töplaş, saqlaş va işlov berişga doir kompyuterlaştirilgan murakkab tizimlar yaratilgan bölib, hosildorlikni oşirişda, suğoriş tizimlarini takomillaştirişda va b. iqtisodiy masalalarni hal etişda ijobiy rol öynamoqda. Biroq Özbekistonda ommaviy tarzda qöllanilganiça yöq.
Bionika qurilmalarining yaratilişi natijasida A. istiqbolda yanada rivojlanadi va hosildorlikni oldindan boşqariş va oşiriş texnologiyasi yaratiladi. Bionikaga asoslangan A. kelajak fanidir.
Asl matn (kirill, PDF'dagidek)
АГРОЭЛЕКТРОНИКА - агроахборотларни тўплаш ва қ.х. ишлаб чиқаришини бошқаришга оид электроника билимлари ва воситалари мажмуи. Асосий вазифалари: қ.х. бошқаруви ва ҳисоб-китоб ишларини компьютер занжирлари орқали таҳлил этиш; тупроқнинг механиқ физик-кимёвий параметрларини тезкор усулларда аниқлаш ва улардан амалда фойдаланиш; иссиқхоналар, омборлар, чорвачилик ишлари ва деҳқончилик маҳсулоти и.ч. технологиясини микроэлектрон асбоблар ёрдамида бошқариш; махсус А. қурилмаларини лойиҳалаш ва яратиш, улардан агрономия ишларида кенгроқ фойдаланиш; автоматлашган махсус илмий-техник агроахборот марказларини ташкил этиш ва уларга хизмат кўрсатиш; қ.х. маҳсулотларининг сифат кўрсаткичларини аниқлаш ва таҳлил қилишнинг тезкор усулларини яратиш; қ.х. экологиясига оид ишларни ўрганишнинг электрон усулларини яратиш ва б. Асосий мақсади — қ.х. ни электронлаштириш тизимларини ишлаб чиқиш ва улардан фойдаланиш.
А. микроэлектрониканинг ютуқлари асосида ривожланиб, деҳқончилик ишларини кенгайтириш ва ҳосилдорликни бошқаришда қўлланилмоқда. Турли микроэлектрон датчиклар, электрон бошқарув тизимлари, компьютерлар ва махсус электрон қурилмалар А.нинг техникавий асосини ташкил этади. Ривожланган мамлакатларда А. қурилмалари қ.х. ишлаб чиқаришида кенг қўлланилади. Ҳоз. вақтда А. асбобсозлигига тўла асос яратилган, турли микроэлектрон ўлчов асбоблари, узоқдан туриб бошқаришнинг йирик электрон тизимлари, қ.х.га оид илмий-техника ахборотларини тўплаш, сақлаш ва ишлов беришга доир компьютерлаштирилган мураккаб тизимлар яратилган бўлиб, ҳосилдорликни оширишда, суғориш тизимларини такомиллаштиришда ва б. иқтисодий масалаларни ҳал этишда ижобий роль ўйнамоқда. Бироқ Ўзбекистонда оммавий тарзда қўлланилганича йўқ.
Бионика қурилмаларининг яратилиши натижасида А. истиқболда янада ривожланади ва ҳосилдорликни олдиндан бошқариш ва ошириш технологияси яратилади. Бионикага асосланган А. келажак фанидир.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.