Agrometeorologik yilnoma
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 161-b. — ziyouz.com
Agrometeorologik yilnoma — muayyan hududdagi agrometeorologik st-ya va postlarning kuzatiş natijalari jamlangan yillik ma'lumotlar töplami. Köpgina mamlakatlarda gidrometeorologiya boşqarmalari tomonidan naşr qilinadi. A.y. da tuproq haydalma qatlamining bahor va qiş fasllaridagi harorati, kuzgi ekinlar eqilgan maydonlardagi qor qoplamining qalinligi, ekin eqilgan maydonlarda tuproqning namlaniş darajasi, q.x. ekinlari rivojlanişining asosiy davrlari boşlanadigan kunlar, kuzatiş maydonçalaridagi agrotexnika, olingan hosil haqidagi ma'lumotlar va b. jadval körinişida beriladi. A.y. da ayrim umumiy meteorologik ma'lumotlar: örtaça ön kunlik havo harorati, 5, 10 va 15° dan yuqori bölgan samarador haroratlar yiğindisi, qiş fasli va vegetatsiya davridagi meteorologik şaroitlar tavsifi, jumladan noqulay ob-havo hodisalari haqida ma'lumotlar ham keltiriladi. Bundan taşqari A.y. yilning agrometeorologik şaroiti haqidagi qisqa şarhni ham öz içiga oladi. Asosiy meteorologik ma'lumotlar oylik agrometeorologik töplamlarda ham naşr etiladi.
Asl matn (kirill, PDF'dagidek)
АГРОМЕТЕОРОЛОГИК ЙИЛНОМА — муайян ҳудуддаги агрометеорологик ст-я ва постларнинг кузатиш натижалари жамланган йиллик маълумотлар тўплами. Кўпгина мамлакатларда гидрометеорология бошқармалари томонидан нашр қилинади. А.й. да тупроқ ҳайдалма қатламининг баҳор ва қиш фаслларидаги ҳарорати, кузги экинлар эқилган майдонлардаги қор қопламининг қалинлиги, экин эқилган майдонларда тупроқнинг намланиш даражаси, қ.х. экинлари ривожланишининг асосий даврлари бошланадиган кунлар, кузатиш майдончаларидаги агротехника, олинган ҳосил ҳақидаги маълумотлар ва б. жадвал кўринишида берилади. А.й. да айрим умумий метеорологик маълумотлар: ўртача ўн кунлик ҳаво ҳарорати, 5, 10 ва 15° дан юқори бўлган самарадор ҳароратлар йиғиндиси, қиш фасли ва вегетация давридаги метеорологик шароитлар тавсифи, жумладан ноқулай об-ҳаво ҳодисалари ҳақида маълумотлар ҳам келтирилади. Бундан ташқари А.й. йилнинг агрометеорологик шароити ҳақидаги қисқа шарҳни ҳам ўз ичига олади. Асосий метеорологик маълумотлар ойлик агрометеорологик тўпламларда ҳам нашр этилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.