Akkreditlaş
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 263-b. — ziyouz.com
Akkreditlaş — xalqaro huquqda davlatning diplomatik vakolatxona boşliği yoki biron-bir xalqaro taşkilotda doimiy vakili lavozimiga tayinlaniş va lavozimni bajarişga kirişişi b-n boğliq xatti-harakatlar majmui. A. jarayoni quyidagilardan iborat: davlat vakolatli organi tomonidan muayyan şaxsni öz diplomatik vakili etib tayinlaş töğrisidagi içki hujjatni e'lon qiliş, uning xorijiy davlat tomonidan qabul qilinişiga rozilik oliş (agreman) hamda yangi işga tayinlangan vakilning xizmat qiladigan davlat vakolatli organiga işonç yorliqlarini topşiriş. Biron-bir davlatda mavjud tajribaga asosan diplomatik vakolatxona boşliği işonç yorliklarini topşirgan paytdan yoxud öz taşrifi haqida xabar bergan va xizmat qiladigan davlat taşqi işlar vazirligiga tasdiqlangan işonç yerliqlarining nusxalarini taqdim etgan vaqtdan e'tiboran öz vazifalarini bajarişga kirişgan hisoblanadi. Davlatning xalqaro taşkilotdagi doimiy vakili xalqaro taşkilotning vakolatli organiga vakolat yorliğini topşirgan paytdan boşlab öz vazifalarini bajarişga kirişgan hisoblanadi.
Asl matn (kirill, PDF'dagidek)
АККРЕДИТЛАШ — халқаро ҳуқуқда давлатнинг дипломатик ваколатхона бошлиғи ёки бирон-бир халқаро ташкилотда доимий вакили лавозимига тайинланиш ва лавозимни бажаришга киришиши б-н боғлиқ хатти-ҳаракатлар мажмуи. А. жараёни қуйидагилардан иборат: давлат ваколатли органи томонидан муайян шахсни ўз дипломатик вакили этиб тайинлаш тўғрисидаги ички ҳужжатни эълон қилиш, унинг хорижий давлат томонидан қабул қилинишига розилик олиш (агреман) ҳамда янги ишга тайинланган вакилнинг хизмат қиладиган давлат ваколатли органига ишонч ёрлиқларини топшириш. Бирон-бир давлатда мавжуд тажрибага асосан дипломатик ваколатхона бошлиғи ишонч ёрликларини топширган пайтдан ёхуд ўз ташрифи ҳақида хабар берган ва хизмат қиладиган давлат ташқи ишлар вазирлигига тасдиқланган ишонч ерлиқларининг нусхаларини тақдим этган вақтдан эътиборан ўз вазифаларини бажаришга киришган ҳисобланади. Давлатнинг халқаро ташкилотдаги доимий вакили халқаро ташкилотнинг ваколатли органига ваколат ёрлиғини топширган пайтдан бошлаб ўз вазифаларини бажаришга киришган ҳисобланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.