«Alanga»
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 291-b. — ziyouz.com
«Alanga» — oylik adabiy va badiiy jurnal, 1928—30 y.larda Samarqandda naşr etilgan. Jami 32 soni çiqqan. 1-sonining adadi 5000. «A.» lotin alifbosida bosilgan birinçi jurnaldir. Bir oz muddat Botu muharrirlik qilgan. Asosan, tahrir hay'ati çiqargan. Unda Mannon Romiz, Botu, Nabi Qodirov, Orif Olimjonov va b. bölgan. «A.» da til-imlo masalalari yoritilgan. 1929 y.dan «Qizil qalam» adabiy uyuşmasining afkori (organi) vazifasini ham bajarib, adabiy-badiiy materiallar, adabiyotşunoslik va tanqidçilikka oid maqolalar ham muntazam berib borilgan. «A.» da Botu, Şokir Sulaymon, Oybek, Hamid Olimjon, Mirtemir, Rahim Ali, Jiğoy, Ğayratiy, Botur, Qosimjon, Hoşim, Suboy, Toşpölat Sa'diy va b.ning şe'rlari, Fitrat, Ğozi Olim, Ye. E. Bertels, Hodi Zarif va b.ning ilmiy, ilmiy-ommabop maqolalari bosilgan.
Asl matn (kirill, PDF'dagidek)
«АЛАНГА» — ойлик адабий ва бадиий журнал, 1928—30 й.ларда Самарқандда нашр этилган. Жами 32 сони чиққан. 1-сонининг адади 5000. «А.» лотин алифбосида босилган биринчи журналдир. Бир оз муддат Боту муҳаррирлик қилган. Асосан, таҳрир ҳайъати чиқарган. Унда Маннон Ромиз, Боту, Наби Қодиров, Ориф Олимжонов ва б. бўлган. «А.» да тил-имло масалалари ёритилган. 1929 й.дан «Қизил қалам» адабий уюшмасининг афкори (органи) вазифасини ҳам бажариб, адабий-бадиий материаллар, адабиётшунослик ва танқидчиликка оид мақолалар ҳам мунтазам бериб борилган. «А.» да Боту, Шокир Сулаймон, Ойбек, Ҳамид Олимжон, Миртемир, Раҳим Али, Жиғой, Ғайратий, Ботур, Қосимжон, Ҳошим, Субой, Тошпўлат Саъдий ва б.нинг шеърлари, Фитрат, Ғози Олим, Е. Э. Бертельс, Ҳоди Зариф ва б.нинг илмий, илмий-оммабоп мақолалари босилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.