Aleksandr Nikolayeviç Volkov
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 232-b. — ziyouz.com
Volkov Aleksandr Nikolayeviç (1886.19.8, Farğona -1957.17.12, Toşkent) — Özbekistan xalq rassomi (1946). Toşkent rassomlik bilim yurtida öqituvçi (1919—46). Ijodini rangtasvir asarlar çiziş b-n boşlagan («Anorli çoyxona», 1924, Tretyakov galereyasida), «Tuyalar sahroda», «Sozandalar», «Ona», «Qozoq qizi» (hammasi —1926, Moskvada, rassomning oilasida), «Terimçi qizlar» (1932, Tretyakov galereyasida), «Temirçining ustaxonasi» (1929), «Şohimardonda tuş payti» (1933, ikkalasi Arxangelsk Tasviriy san'at muzeyida) asarlarida Özbekistan manzaralari va kişilarini gavdalantirgan. Asarlarida milliy xarakter, mehnatsevarlik, hayot şavqi aks ettirilgan («Brigadaning dalaga çiqişi», 1932—33; «Yölsizlikka hujum», 1932— 34, ikkalasi Qoraqalpoğiston san'at muzeyida; «Ekskavatorlarni yiğiş», 1935, Özbekiston san'at muzeyida). Manzaralar (Farğona körinişlari aks ettirilgan «Toğ qişloği» turkumi, 1926—27), portretlar (Hamza, 1946—56, Qoraqalpoğiston san'at muzeyida; avtoportretlar, 1934, 1944, Özbekiston san'at muzeyida), natyurmortlar («Dala gullari», 1955, Özbekiston san'at muzeyida) ham yaratgan.
A. Volkov. «Avtoportret» (1939).
Asl matn (kirill, PDF'dagidek)
ВОЛКОВ Александр Николаевич (1886.19.8, Фарғона -1957.17.12, Тошкент) — Ўзбекистан халқ рассоми (1946). Тошкент рассомлик билим юртида ўқитувчи (1919—46). Ижодини рангтасвир асарлар чизиш б-н бошлаган («Анорли чойхона», 1924, Третьяков галереясида), «Туялар саҳрода», «Созандалар», «Она», «Қозоқ қизи» (ҳаммаси —1926, Москвада, рассомнинг оиласида), «Теримчи қизлар» (1932, Третьяков галереясида), «Темирчининг устахонаси» (1929), «Шоҳимардонда туш пайти» (1933, иккаласи Архангельск Тасвирий санъат музейида) асарларида Ўзбекистан манзаралари ва кишиларини гавдалантирган. Асарларида миллий характер, меҳнатсеварлик, ҳаёт шавқи акс эттирилган («Бригаданинг далага чиқиши», 1932—33; «Йўлсизликка ҳужум», 1932— 34, иккаласи Қорақалпоғистон санъат музейида; «Экскаваторларни йиғиш», 1935, Ўзбекистон санъат музейида). Манзаралар (Фарғона кўринишлари акс эттирилган «Тоғ қишлоғи» туркуми, 1926—27), портретлар (Ҳамза, 1946—56, Қорақалпоғистон санъат музейида; автопортретлар, 1934, 1944, Ўзбекистон санъат музейида), натюрмортлар («Дала гуллари», 1955, Ўзбекистон санъат музейида) ҳам яратган.
А. Волков. «Автопортрет» (1939).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.