Alişer Navoiy nomidagi Özbekiston Respublikasi davlat mukofoti
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 343-b. — ziyouz.com
Alişer Navoiy nomidagi Özbekiston Respublikasi davlat mukofoti - ÖzRning badiiy ijod sohasidagi eng oliy mukofoti. Özbekiston Respublikasining birinçi Prezidenti Islom Karimov taşabbusi b-n 1989 y. 13 sent. da ta'sis etilgan. Özbekistonning madaniy hayotida katta voqea bölgan, milliy qadriyatlar xazinasini boyitgan adabiyot, san'at va me'morlik sohasidagi eng yorqin va sermazmun asarlar uçun beriladi. Bu mukofotga respublikada hamda çet ellarda e'lon kilingan, alohida kitob şaklida naşr qilingan, ommaviy ravişda ijro etilgan, körsatilgan va namoyiş qilingan hamda keng jamoatçilik tomonidan yuqori baholangan badiiy asarlar, san'at namunalari taqdim etiladi. Taqdim etilgan işlar vazirliklar, davlat qömitalari, ijodiy uyuşmalarning respublika miqyosidagi idoralari va xalqaro jamoat taşkilotlarining qarorlari asosida Vazirlar Mahkamasi huzuridagi Davlat mukofotlari qömitasi tomonidan qabul qilinadi. Taqdim etilgan bir asar uçun mukofot olişga talabgorlar soni 3 kişidan oşmasligi kerak. Mukofot Özbekiston adabiyoti, san'ati va me'morçiligi b-n boğliq bölgan eng yaxşi işlar uçun boşqa mamlakatlarning madaniyat arboblariga ham berilişi mumkin. Mukofotlarni 1996 y.dan, ÖzR Prezidentining farmoni b-n, har 3 yilda bir marta Mustaqillik bayrami arafasida beriş tartibi joriy qilingan. Mukofotning har biri 200 ta eng kam oylik iş haqi miqdorida belgilangan. Mukofotlanganlarga tantanali vaziyatda sovrindorlik yorliği va faxriy nişon topşiriladi. Mukofot sovrindorining nişoni kökrakning öng tomoniga taqiladi. Mukofot takroran berilmaydi. 1991 y.da 9 kişi, 1994 y.da 12 kişi (1 kişi xorijdan) 1996 y.da 4 kişi mukofotga sazovor bölgan.
Asl matn (kirill, PDF'dagidek)
АЛИШЕР НАВОИЙ НОМИДАГИ ЎЗБЕКИСТОН РЕСПУБЛИКАСИ ДАВЛАТ МУКОФОТИ - ЎзРнинг бадиий ижод соҳасидаги энг олий мукофоти. Ўзбекистон Республикасининг биринчи Президенти Ислом Каримов ташаббуси б-н 1989 й. 13 сент. да таъсис этилган. Ўзбекистоннинг маданий ҳаётида катта воқеа бўлган, миллий қадриятлар хазинасини бойитган адабиёт, санъат ва меъморлик соҳасидаги энг ёрқин ва сермазмун асарлар учун берилади. Бу мукофотга республикада ҳамда чет элларда эълон килинган, алоҳида китоб шаклида нашр қилинган, оммавий равишда ижро этилган, кўрсатилган ва намойиш қилинган ҳамда кенг жамоатчилик томонидан юқори баҳоланган бадиий асарлар, санъат намуналари тақдим этилади. Тақдим этилган ишлар вазирликлар, давлат қўмиталари, ижодий уюшмаларнинг республика миқёсидаги идоралари ва халқаро жамоат ташкилотларининг қарорлари асосида Вазирлар Маҳкамаси ҳузуридаги Давлат мукофотлари қўмитаси томонидан қабул қилинади. Тақдим этилган бир асар учун мукофот олишга талабгорлар сони 3 кишидан ошмаслиги керак. Мукофот Ўзбекистон адабиёти, санъати ва меъморчилиги б-н боғлиқ бўлган энг яхши ишлар учун бошқа мамлакатларнинг маданият арбобларига ҳам берилиши мумкин. Мукофотларни 1996 й.дан, ЎзР Президентининг фармони б-н, ҳар 3 йилда бир марта Мустақиллик байрами арафасида бериш тартиби жорий қилинган. Мукофотнинг ҳар бири 200 та энг кам ойлик иш ҳақи миқдорида белгиланган. Мукофотланганларга тантанали вазиятда совриндорлик ёрлиғи ва фахрий нишон топширилади. Мукофот совриндорининг нишони кўкракнинг ўнг томонига тақилади. Мукофот такроран берилмайди. 1991 й.да 9 киши, 1994 й.да 12 киши (1 киши хориждан) 1996 й.да 4 киши мукофотга сазовор бўлган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.