Alişer Tölaganoviç Mirzayev
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 594-b. — ziyouz.com
Mirzayev Alişer Tölaganoviç (1948.21.3, Toşkent) — rangtasvir va grafika ustasi, Özbekiston BA akad. (1997). Özbekiston xalqrassomi (1992). P. Benkov nomidagi Respublika rassomlik bilim yurti (1964—68) va V. Surikov nomidagi Moskva rassomlik san'ati in-ti (1968-74)da ta'lim olgan. Toşkent politexnika in-ti (1974-78) va Toşkent teatr va rassomlik san'ati in-ti (1978- 1997)da pedagog. 1997 y.dan Kamoliddin Behzod nomidagi milliy rassomlik va dizayn in-tida pedagog, prof. (2000). M. asarlari özining milliyligi, ranglar uyğunligi b-n ajralib turadi; dastlabki asarlaridayoq an'anaviy mavzularga öziga xos yeçim va talqin baxş etdi: «Sozandalar» (1968), «Rassom K. Nosirov» (1975), «Yoş oila haqida qöşiq» (1976), «Uçraşuv» (1982) va b. «Söqoq mozaikasi», «Rassom va tabiat», «Parkent ayollari» (1980-y.lar) kabi manzaralar, «Avtoportretli natyurmort» (1982), «Surxondaryo natyurmorta» (1982) va b. natyurmortlar turkum asarlarida manzara, urf-odatlar mujassamlaşgan, tabiat va inson birligi tarannum etilgan.
1990-y.larda A. Qodiriy asarlariga, jumladan, «Ötgan kunlar» asariga qalamtasvirda «Kumuş va Zaynab», «Xayol», «Haydaliş kuyi», «Fuzuliyni öqib», «Hayotim lolazoridan ayurding» va b. asarlar yaratib milliy grafika rivojiga katta hissa qöşdi. 1972 y.dan respublika va xorijiy körgazmalarda asarlari b-n qatnaşadi. M. asarlarvdan bir qismi respublika va çet mamlakatlar muzeylari, şaxsiy töplamlarda saqlanadi. M. haqida «Palitra» (1983) va «Alişer Mirzo» (2000) nomli filmlar işlangan. Ab-dulla Qodiriy nomidagi Özbekiston Davlat mukofoti laureati (1994). «El-yurt xurmati» ordeni b-n mukofotlangan (1999).
Alişer Mirzayev. «Uçraşuv» (1982).
Ad.: Umarov A., Alişer Mirzayev, T., 1993; Egamberdiyev A., Alişer Mirzo, T., 1999.
Asl matn (kirill, PDF'dagidek)
МИРЗАЕВ Алишер Тўлаганович (1948.21.3, Тошкент) — рангтасвир ва графика устаси, Ўзбекистон БА акад. (1997). Ўзбекистон халқрассоми (1992). П. Беньков номидаги Республика рассомлик билим юрти (1964—68) ва В. Суриков номидаги Москва рассомлик санъати ин-ти (1968-74)да таълим олган. Тошкент политехника ин-ти (1974-78) ва Тошкент театр ва рассомлик санъати ин-ти (1978- 1997)да педагог. 1997 й.дан Камолиддин Беҳзод номидаги миллий рассомлик ва дизайн ин-тида педагог, проф. (2000). М. асарлари ўзининг миллийлиги, ранглар уйғунлиги б-н ажралиб туради; дастлабки асарларидаёқ анъанавий мавзуларга ўзига хос ечим ва талқин бахш этди: «Созандалар» (1968), «Рассом К. Носиров» (1975), «Ёш оила ҳақида қўшиқ» (1976), «Учрашув» (1982) ва б. «Сўқоқ мозаикаси», «Рассом ва табиат», «Паркент аёллари» (1980-й.лар) каби манзаралар, «Автопортретли натюрморт» (1982), «Сурхондарё натюрморта» (1982) ва б. натюрмортлар туркум асарларида манзара, урф-одатлар мужассамлашган, табиат ва инсон бирлиги тараннум этилган.
1990-й.ларда А. Қодирий асарларига, жумладан, «Ўтган кунлар» асарига қаламтасвирда «Кумуш ва Зайнаб», «Хаёл», «Ҳайдалиш куйи», «Фузулийни ўқиб», «Ҳаётим лолазоридан аюрдинг» ва б. асарлар яратиб миллий графика ривожига катта ҳисса қўшди. 1972 й.дан республика ва хорижий кўргазмаларда асарлари б-н қатнашади. М. асарларвдан бир қисми республика ва чет мамлакатлар музейлари, шахсий тўпламларда сақланади. М. ҳақида «Палитра» (1983) ва «Алишер Мирзо» (2000) номли фильмлар ишланган. Аб-дулла Қодирий номидаги Ўзбекистон Давлат мукофоти лауреати (1994). «Эл-юрт хурмати» ордени б-н мукофотланган (1999).
Алишер Мирзаев. «Учрашув» (1982).
Ад.: Умаров А., Алишер Мирзаев, Т., 1993; Эгамбердиев А., Алишер Мирзо, Т., 1999.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.