«Alpomiş öyinlari» festivali
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 367–368-b. — ziyouz.com
«Alpomiş öyinlari» festivali — Özbekistonning eng yirik milliy sport öyinlari musobaqalari. 2 y.da bir marta ötkaziladi. ÖzR Vazirlar Mahkamasining «Alpomiş» dostoni yaratilganligining 1000 yilligini nişonlaş töğrisidagi»gi qarori (1998 y. 13 yanv.) asosida taşkil qilingan. Maqsadi — xalq öyinlarini keng ommalaştiriş, Özbekistonda Alpomiş kelbatli yoşlarni köpaytiriş, ularni vatanparvarlik, fidoyilik ruhida tarbiyalaş. Festival nizomiga köra, u 3 bosqiçda ötkaziladi. 1-bosqiç tumanlar miqyosida taşkil qilinadi. Tuman musobaqasi ğoliblari 2-bosqiçda viloyat musobaqalarida qat-naşadilar. Qoraqalpoğiston Respublikasi, viloyat va Toşkent ş. musobaqalari ğoliblari 3-bosqiç — respublika final bahslarida qatnaşiş huquqini qölga kiritadilar. «A.ö.» f. 6 milliy sport turi; milliy kuraş (buxoroça, farğonaça usullar), «Turon», kamondan öq otiş, toş kötariş, armrestling (bilak kuçi kuraşi) hamda xalq öyinlari: «tortişmaçoq», «mindi», «böron», «yelkada kuraş» böyiça ötkaziladi. Musobaqalarda 15 yoşdan 50 yoşgaça bölgan kişilar iştirok etişi mumkin. Oilaviy jamoalarning qatnaşişiga ham ruxsat beriladi. «A.ö.» f. ğoliblari pahlavonlik, mardlik va oriyat timsoli sifatida hurmatga sazovor böladilar. Birinçi «A.ö.» f. 1998 y. 13—14 noyab. da Termiz şahridagi «Alpomiş» stadionida bölib ötdi. Unda umumjamoa hisobida Surxondaryo viloyati vakillari ğolib çiqdi. 2-örinni Andijon viloyati, 3-örinni Toşkent ş. jamoasi oldi.
Asl matn (kirill, PDF'dagidek)
«АЛПОМИШ ЎЙИНЛАРИ» ФЕСТИВАЛИ — Ўзбекистоннинг энг йирик миллий спорт ўйинлари мусобақалари. 2 й.да бир марта ўтказилади. ЎзР Вазирлар Маҳкамасининг «Алпомиш» достони яратилганлигининг 1000 йиллигини нишонлаш тўғрисидаги»ги қарори (1998 й. 13 янв.) асосида ташкил қилинган. Мақсади — халқ ўйинларини кенг оммалаштириш, Ўзбекистонда Алпомиш келбатли ёшларни кўпайтириш, уларни ватанпарварлик, фидойилик руҳида тарбиялаш. Фестиваль низомига кўра, у 3 босқичда ўтказилади. 1-босқич туманлар миқёсида ташкил қилинади. Туман мусобақаси ғолиблари 2-босқичда вилоят мусобақаларида қат-нашадилар. Қорақалпоғистон Республикаси, вилоят ва Тошкент ш. мусобақалари ғолиблари 3-босқич — республика финал баҳсларида қатнашиш ҳуқуқини қўлга киритадилар. «А.ў.» ф. 6 миллий спорт тури; миллий кураш (бухороча, фарғонача усуллар), «Турон», камондан ўқ отиш, тош кўтариш, армрестлинг (билак кучи кураши) ҳамда халқ ўйинлари: «тортишмачоқ», «минди», «бўрон», «елкада кураш» бўйича ўтказилади. Мусобақаларда 15 ёшдан 50 ёшгача бўлган кишилар иштирок этиши мумкин. Оилавий жамоаларнинг қатнашишига ҳам рухсат берилади. «А.ў.» ф. ғолиблари паҳлавонлик, мардлик ва орият тимсоли сифатида ҳурматга сазовор бўладилар. Биринчи «А.ў.» ф. 1998 й. 13—14 нояб. да Термиз шаҳридаги «Алпомиш» стадионида бўлиб ўтди. Унда умумжамоа ҳисобида Сурхондарё вилояти вакиллари ғолиб чиқди. 2-ўринни Андижон вилояти, 3-ўринни Тошкент ш. жамоаси олди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.