Amnistiya
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 438-b. — ziyouz.com
Amnistiya (yun. amnestia — keçiriş, gunohidan ötiş; amnistiya) — oliy davlat hokimiyati organining xususiy akti, ayrim şaxslarni jinoiy jazodan ozod qiliş, jinoyat işini bekor etiş yoki jazoni yengillatiş töğrisidagi qarori. A. jinoyat va b. huquqbuzarlikni sodir etgan şaxslarni jazodan töla yoki qisman ozod etiş, tayinlangan jazo turini yengilroği b-n almaştiriş töğrisida insonparvarlikni namoyiş qiluvçi farmoyişdir. ÖzR Konstitutsiyasiga köra, ÖzR Prezidenti A. töğrisidagi hujjatlarni qabul qiliş va ÖzR sudlari tomonidan hukm qilingan fuqarolarni afv etiş vakolatiga ega. A. xalq örtasida «umumiy afv» deb ham yuritiladi. ÖzR mustaqilligi e'lon qilinganidan beri ÖzR Prezidentining A. töğrisidagi 11 ta farmoni e'lon qilingan (2001 y. 1 yanv.gaça). Bu farmonlar xalqaro huquq normalarida, Özbekiston Respublikasining Konstitutsiyasi va b. qonunlarida nazarda tutilgan insonparvarlik tamoyillariga izçillik b-n amal qilişning yuksak namunasidir. A. ga asosan, jazodan ozod qilingan şaxslar takroran jinoyat qilişdan özlarini tiyişlari lozim, çunki takroran sodir qilgan jinoyati uçun hukm etilgan şaxslarga nisbatan keyinçalik qabul qilingan A. qöllanilmaydi va bu holat unday şaxsni jazodan ozod etişga monelik qiladi.
Asl matn (kirill, PDF'dagidek)
АМНИСТИЯ (юн. amnestia — кечириш, гуноҳидан ўтиш; амнистия) — олий давлат ҳокимияти органининг хусусий акти, айрим шахсларни жиноий жазодан озод қилиш, жиноят ишини бекор этиш ёки жазони енгиллатиш тўғрисидаги қарори. А. жиноят ва б. ҳуқуқбузарликни содир этган шахсларни жазодан тўла ёки қисман озод этиш, тайинланган жазо турини енгилроғи б-н алмаштириш тўғрисида инсонпарварликни намойиш қилувчи фармойишдир. ЎзР Конституциясига кўра, ЎзР Президенти А. тўғрисидаги ҳужжатларни қабул қилиш ва ЎзР судлари томонидан ҳукм қилинган фуқароларни афв этиш ваколатига эга. А. халқ ўртасида «умумий афв» деб ҳам юритилади. ЎзР мустақиллиги эълон қилинганидан бери ЎзР Президентининг А. тўғрисидаги 11 та фармони эълон қилинган (2001 й. 1 янв.гача). Бу фармонлар халқаро ҳуқуқ нормаларида, Ўзбекистон Республикасининг Конституцияси ва б. қонунларида назарда тутилган инсонпарварлик тамойилларига изчиллик б-н амал қилишнинг юксак намунасидир. А. га асосан, жазодан озод қилинган шахслар такроран жиноят қилишдан ўзларини тийишлари лозим, чунки такроран содир қилган жинояти учун ҳукм этилган шахсларга нисбатан кейинчалик қабул қилинган А. қўлланилмайди ва бу ҳолат ундай шахсни жазодан озод этишга монелик қилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.