Andijon bolalar va yoşlar teatri

Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 494–495-b. — ziyouz.com

Andijon bolalar va yoşlar teatri ANDIJON BOLALAR VA YOŞLAR TEATRI, Abbos Bakirov nomidagi Andijon davlat bolalar va yoşlar teatri — bolalar va yoşlar teatri. 1990 y. 1 dek.da «Istiqbol» teatr-studiyasi asosida taşkil bölgan. «Temir xotin» (Ş. Boşbekov) spektakli b-n oçilgan. Teatrning asosçisi va badiiy rahbari Mannon Hamidov boşçiligida Q. Madaminov, M. Turğunov, M. Madrahimova, T. Röziyeva, M. Xoldorov, F. Mamasodiqova, adabiy emakdoş Ziyo Najmiy kabilar teatrning dastlabki ijodkorlaridir. «Baloyi nafs» (M. Asadullayev), «Hazon bölgan gul» (X. Qozoqova), «Yaxşivoy va Yomonvoy» (B. Ixtiyorov), «Dilijon daydilari» (M. Hamid), «Mö'jizalar olami yoxud Sano'i nafisa» (3. Najmiy) va b. teatrda sahnalaştirilgan dastlabki spektakllardir. «Sevgi afsonasi» (O. Xoldor), «Töylar muborak» (Ö. Hoşimov), «Afandining beş xotini» (I. Sodiqov) komediyalari, «Alvido bolalik» (T. Malik) fojiaviy dramasi, «Hayot eşik ortida» (S. Sirojiddinov) tragikomediyasi, şuningdek E. Sobirovning «Buqoqning köngli» hajviy tomoşasi b-n teatr öz mavqeini mustahkamlab oldi. Teatr öz rejissurasida zamonaviylik va tomoşaviylikning öziga xos turmuşbop uyğunligini, sodda va ayni bir paytda noziq did b-n purma'no asarlar yaratiş mahoratiga erişdi. «Nargis fojiasi», «Şayton köli yonida» (I. Yumagulov), «Kasotlar» (E. Sobirov), «Zanjirband şe'r» (3. Najmiy), «Qirol Lir» (U. Şekspir), «Bugunning Hamleti» (M. Hamid) singari spektakllar teatrning keyingi yillar ijod mahsulidir.

Yoşlarni ma'naviy kamol topişida öz hissalarini qöşiş, ötmişimizning buyuk tarixini haqqoniy aks ettiriş, milliy teatr an'analariga sodiq qolib, ustozlar yölidan boriş teatrning asosiy maqsadidir. M. Ubaydullayeva, S. Uluğov, B. Mirzakarimova, Ş. Abdullayeva, V. Rözimatov, S. Boyxonboyeva, N. Hakimov, M. Ibrohimova, V. Turdiyev, S. Mirzayev va b. teatrning yetakçi aktyorlaridir.

Salohiddin Sirojiddinov.

Asl matn (kirill, PDF'dagidek)

АНДИЖОН БОЛАЛАР ВА ЁШЛАР ТЕАТРИ, Аббос Бакиров номидаги Андижон давлат болалар ва ёшлар театри — болалар ва ёшлар театри. 1990 й. 1 дек.да «Истиқбол» театр-студияси асосида ташкил бўлган. «Темир хотин» (Ш. Бошбеков) спектакли б-н очилган. Театрнинг асосчиси ва бадиий раҳбари Маннон Ҳамидов бошчилигида Қ. Мадаминов, М. Турғунов, М. Мадраҳимова, Т. Рўзиева, М. Холдоров, Ф. Мамасодиқова, адабий эмакдош Зиё Нажмий кабилар театрнинг дастлабки ижодкорларидир. «Балойи нафс» (М. Асадуллаев), «Ҳазон бўлган гул» (X. Қозоқова), «Яхшивой ва Ёмонвой» (Б. Ихтиёров), «Дилижон дайдилари» (М. Ҳамид), «Мўъжизалар олами ёхуд Саноъи нафиса» (3. Нажмий) ва б. театрда саҳналаштирилган дастлабки спектакллардир. «Севги афсонаси» (О. Холдор), «Тўйлар муборак» (Ў. Ҳошимов), «Афандининг беш хотини» (И. Содиқов) комедиялари, «Алвидо болалик» (Т. Малик) фожиавий драмаси, «Ҳаёт эшик ортида» (С. Сирожиддинов) трагикомедияси, шунингдек Э. Собировнинг «Буқоқнинг кўнгли» ҳажвий томошаси б-н театр ўз мавқеини мустаҳкамлаб олди. Театр ўз режиссурасида замонавийлик ва томошавийликнинг ўзига хос турмушбоп уйғунлигини, содда ва айни бир пайтда нозиқ дид б-н пурмаъно асарлар яратиш маҳоратига эришди. «Наргис фожиаси», «Шайтон кўли ёнида» (И. Юмагулов), «Касотлар» (Э. Собиров), «Занжирбанд шеър» (3. Нажмий), «Қирол Лир» (У. Шекспир), «Бугуннинг Ҳамлети» (М. Ҳамид) сингари спектакллар театрнинг кейинги йиллар ижод маҳсулидир.

Ёшларни маънавий камол топишида ўз ҳиссаларини қўшиш, ўтмишимизнинг буюк тарихини ҳаққоний акс эттириш, миллий театр анъаналарига содиқ қолиб, устозлар йўлидан бориш театрнинг асосий мақсадидир. М. Убайдуллаева, С. Улуғов, Б. Мирзакаримова, Ш. Абдуллаева, В. Рўзиматов, С. Бойхонбоева, Н. Ҳакимов, М. Иброҳимова, В. Турдиев, С. Мирзаев ва б. театрнинг етакчи актёрларидир.

Салоҳиддин Сирожиддинов.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.