Angor eçkisi

Angor eçkisi - eçkining qimmatli serjun zoti. A.e.ning vatani Turkmanistonning ğarbi. Turkmanlarning bir qismi 13-a.da bu yerdan Kiçik Osiyoga köçib borgan va natijada hoz. Turkiyaning Angora (Anqara) viloyati A.e.ni urçitiş markaziga aylangan. Bu zotning A.e. deb atalişi ham şundan kelib çiqqan. 19- a.dan AQŞ, Afrikadagi ayrim mamlakatlar, Avstraliyada boqiladi. A.e.ning juni mayin, oq, tovlanuvçan, ğoyat egiluvçan va pişiq (uz. 18 — 25 sm). Takalari örta hisobda 50 — 55 kg keladi, yiliga 5 — 7 kg jun beradi, urğoçilari 32 — 36 kg ga boradi, 3,1 kg jun beradi. 65 — 70% toza jun çiqadi. Har yuz boş A.e.dan yiliga 105 uloq olinadi. Soğin eçkidan 70 — 100 kg sut soğib oliş mumkin, yoğlik darajasi 4,2 — 4,4%. Özbekiston (Pop tumani)ga 1936 y.da AKŞning Texas va Nyu-Meksika ştatlaridan keltirilgan A.e.ni jaydari eçkilar b-n çatiştirib serjun eçki zoti yaratildi (1962). A.e. Özbekistonda, asosan Namangan, Andijon viloyatlarida boqiladi.