«Anhor»
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 573-b. — ziyouz.com
«Anhor» — qahvaxona-çoyxona. Toşkentdagi Anhor sohilida qurilgan, xalq me'morligi an'analarini özida aks ettirgan bino (1950, me'mor V. Dmitriyev). Dastlab bino simmetrik reja asosida töğri törtburçak şaklda barpo etilgan. Ovqatlaniş xonasi 75 örinli, törida çoyxona, oşxona va yordamçi xonalar, suvga qaragan yon tomonida ayvon bölib, xöjalik xonalari yer osti qismiga joylaştirilgan. Binoning old tarzi nisbatlar qonuni asosida hal etilib, peştoq tepasida bezakli guldon, ikki tomonida antefikslar, 6 ustunli peşayvonning ikki çekkasida panjara bölib, öziga xos me'moriy körinişga ega edi.
Bino qayta quriş jarayonida (1979) qişlik (120 örinli) va yozlik (160 örinli) bölimlarga ajratilib, oşxona va çoyxona qismi qaytadan quriddi. Orqa tomoni 2 qavatli bölib, birinçi qavatida çoyxona, oşxona, somsaxona va kabobxona joylaşgan, ularning mörisi minorasimon işlangan. Yon qismiga (suv böyida) eni 5 m, uz. 30 m li 1 qavatli ayvon işlandi. Qişlik zalning içki tomonini «Meblomet» firmasi (Polşa) bezagan.
Asl matn (kirill, PDF'dagidek)
«АНҲОР» — қаҳвахона-чойхона. Тошкентдаги Анҳор соҳилида қурилган, халқ меъморлиги анъаналарини ўзида акс эттирган бино (1950, меъмор В. Дмитриев). Дастлаб бино симметрик режа асосида тўғри тўртбурчак шаклда барпо этилган. Овқатланиш хонаси 75 ўринли, тўрида чойхона, ошхона ва ёрдамчи хоналар, сувга қараган ён томонида айвон бўлиб, хўжалик хоналари ер ости қисмига жойлаштирилган. Бинонинг олд тарзи нисбатлар қонуни асосида ҳал этилиб, пештоқ тепасида безакли гулдон, икки томонида антефикслар, 6 устунли пешайвоннинг икки чеккасида панжара бўлиб, ўзига хос меъморий кўринишга эга эди.
Бино қайта қуриш жараёнида (1979) қишлик (120 ўринли) ва ёзлик (160 ўринли) бўлимларга ажратилиб, ошхона ва чойхона қисми қайтадан қуридди. Орқа томони 2 қаватли бўлиб, биринчи қаватида чойхона, ошхона, сомсахона ва кабобхона жойлашган, уларнинг мўриси минорасимон ишланган. Ён қисмига (сув бўйида) эни 5 м, уз. 30 м ли 1 қаватли айвон ишланди. Қишлик залнинг ички томонини «Мебломет» фирмаси (Польша) безаган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.