Anjir şaftoli
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 522-b. — ziyouz.com
Anjir şaftoli ANJIR ŞAFTOLI, yangi anjir şaftoli — xalq seleksiyasida yaratilgan şaftoli navi (R. R. Şreder nomidagi i.t. in-tining Samarqand filialida bu navni Çempion navi b-n çatiştiriş asosida A. S. Çerevatenko çiqargan yangi A.ş. navi köp tarqalgan). Tupi kuçli ösadi, daraxti örtaça kattaliqda (4 —5 m), mart oxiri — apr.ning boşida (12 — 18 kun davomida) gullaydi. Guli ikki jinsli, qizğiş, gulining 20 — 25% ni tutadi. Özidan çanglanuvçi nav. Mevasi tukli, anjirsimon — yassi (diametri 5 — 10 sm), oğirligi 80 — 100 g. Danagi mayda ham yassiroq, köpinça mevaning örtasida körinib turadi. Eti sersuv, muloyim, şirin. Avg.da pişadi. Sovuqqa çidamsiz, qişda 15 — 18° gaça, bahorda 4-6° sovuqqa bardoş beradi. Ekilgandan keyin 2 — 3- yili mevaga kiradi, 6 — 8 yil yuqori, yaxşi agrofonda 16 y.gaça hosil beradi. Har tupidan 70 — 80 kg meva oliş mumkin. Özbekistonning deyarli barça viloyatlarida ekiladi. A.ş. Eron, Afğoniston va Xitoyda ham uçraydi. Mevasi yangiligida yeyiladi, tarkibida 14,7% gaça qand, 0,26% kislota bor. Konserva va qoqi qilinsa ham böladi.
Rixsivoy Jörayev.
Asl matn (kirill, PDF'dagidek)
АНЖИР ШАФТОЛИ, янги анжир шафтоли — халқ селекциясида яратилган шафтоли нави (Р. Р. Шредер номидаги и.т. ин-тининг Самарқанд филиалида бу навни Чемпион нави б-н чатиштириш асосида А. С. Череватенко чиқарган янги А.ш. нави кўп тарқалган). Тупи кучли ўсади, дарахти ўртача катталиқда (4 —5 м), март охири — апр.нинг бошида (12 — 18 кун давомида) гуллайди. Гули икки жинсли, қизғиш, гулининг 20 — 25% ни тутади. Ўзидан чангланувчи нав. Меваси тукли, анжирсимон — ясси (диаметри 5 — 10 см), оғирлиги 80 — 100 г. Данаги майда ҳам яссироқ, кўпинча меванинг ўртасида кўриниб туради. Эти серсув, мулойим, ширин. Авг.да пишади. Совуққа чидамсиз, қишда 15 — 18° гача, баҳорда 4-6° совуққа бардош беради. Экилгандан кейин 2 — 3- йили мевага киради, 6 — 8 йил юқори, яхши агрофонда 16 й.гача ҳосил беради. Ҳар тупидан 70 — 80 кг мева олиш мумкин. Ўзбекистоннинг деярли барча вилоятларида экилади. А.ш. Эрон, Афғонистон ва Хитойда ҳам учрайди. Меваси янгилигида ейилади, таркибида 14,7% гача қанд, 0,26% кислота бор. Консерва ва қоқи қилинса ҳам бўлади.
Рихсивой Жўраев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.