Antitelolar
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 557-b. — ziyouz.com
Antitelolar — immunitet hosil qiladigan moddalar. A. teri ostiga yoki tomirga oqsil tabiatli modda (antigen) kiritilganda, unga qarşi hosil böladi. A., asosan, qon zardobida töplanadi. Bunday qon zardobiga kasallik qözğatuvçi mikrob toksinidan aralaştirilsa, A. toksinni neytrallaydi (antitoksinli zardob). A. bor qon zardobiga mikrobning özi aralaştirilsa, zardobdagi A. mikrobni bir-biriga yopiştirib, ğuj qiladi (agglyutinatsiya), ba'zan eritib yuboradi (lizis), ayrim hollarda antigenni çöktiradi (pretsipitatsiya). Antiteloli qon zardoblari, xususan, gamma-globulinlar difteriya, qizamiq, qoqşol, gazli gangrena, gripp va b. kasalliklarning oldini oliş hamda davolaş maqsadida keng qöllaniladi, sud tibbiyotida ham işlatiladi.
Asl matn (kirill, PDF'dagidek)
АНТИТЕЛОЛАР — иммунитет ҳосил қиладиган моддалар. А. тери остига ёки томирга оқсил табиатли модда (антиген) киритилганда, унга қарши ҳосил бўлади. А., асосан, қон зардобида тўпланади. Бундай қон зардобига касаллик қўзғатувчи микроб токсинидан аралаштирилса, А. токсинни нейтраллайди (антитоксинли зардоб). А. бор қон зардобига микробнинг ўзи аралаштирилса, зардобдаги А. микробни бир-бирига ёпиштириб, ғуж қилади (агглютинация), баъзан эритиб юборади (лизис), айрим ҳолларда антигенни чўктиради (преципитация). Антителоли қон зардоблари, хусусан, гамма-глобулинлар дифтерия, қизамиқ, қоқшол, газли гангрена, грипп ва б. касалликларнинг олдини олиш ҳамда даволаш мақсадида кенг қўлланилади, суд тиббиётида ҳам ишлатилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.