Arabi ot
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 587-b. — ziyouz.com
Arabi ot — salt miniladigan qadimiy ot zoti; xalq seleksiyasi yöli b-n Arabiston ya.o. da milodiy 1-ming yillikda çiqarilgan. Turkman, Eron va Misr saxro otlari b-n urçitiş natijasida takomillaşa borgan. U çöl şaroitiga yaxşi moslaşgan, oçlik va suvsizlikka çidamli, uzoq, masofaga yaxşi yuguradi (poygada 1000 m masofani 1 min. 8,0 sek.da bosib ötadi). A.o. juda çiroyli, tusi böz, töriq, şerozi (kulrang) yoki jigarrang. Bu zotning dunyodagi ot zotlarini yetiştirişda va takomillaştirişda juda katta iştiroki bor. A.o.ning qarçiğayigaça bal. 150 sm, kökrak qafasining aylanasi 175 sm, töpiği aylanasi 18,5 — 19,5 sm. A.o. Karpat, Kavkaz, Örta Osiyodagi toğ va toğ oldi mintaqalarida mahalliy ot zotlarini yaxşilaşda, ot sporti va sirk tomoşalarida foydalaniladi. A.o.ning nasldor ayğirlari Stavropol ölkasidagi Terek ot z-dida urçitiladi. A.o., şuningdek Hindiston, Misr, Turkiya, Fransiya, Ispaniya, GFR, AQŞ, Polşa va b. mamlakatlarda boqiladi va köpaytiriladi.
Asl matn (kirill, PDF'dagidek)
АРАБИ ОТ — салт миниладиган қадимий от зоти; халқ селекцияси йўли б-н Арабистон я.о. да милодий 1-минг йилликда чиқарилган. Туркман, Эрон ва Миср сахро отлари б-н урчитиш натижасида такомиллаша борган. У чўл шароитига яхши мослашган, очлик ва сувсизликка чидамли, узоқ, масофага яхши югуради (пойгада 1000 м масофани 1 мин. 8,0 сек.да босиб ўтади). А.о. жуда чиройли, туси бўз, тўриқ, шерози (кулранг) ёки жигарранг. Бу зотнинг дунёдаги от зотларини етиштиришда ва такомиллаштиришда жуда катта иштироки бор. А.о.нинг қарчиғайигача бал. 150 см, кўкрак қафасининг айланаси 175 см, тўпиғи айланаси 18,5 — 19,5 см. А.о. Карпат, Кавказ, Ўрта Осиёдаги тоғ ва тоғ олди минтақаларида маҳаллий от зотларини яхшилашда, от спорти ва цирк томошаларида фойдаланилади. А.о.нинг наслдор айғирлари Ставрополь ўлкасидаги Терек от з-дида урчитилади. А.о., шунингдек Ҳиндистон, Миср, Туркия, Франция, Испания, ГФР, АҚШ, Польша ва б. мамлакатларда боқилади ва кўпайтирилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.