Arra
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 642-b. — ziyouz.com
Arra — yoğoç, metall, toş, suyak, şox, sadaf va b.ni kesiş va qirqiş uçun işlatiladigan qirra tişli asbob. Pölat plastinka va disksimon qilib yasaladi. Turlari: bir kişi işlatadigan A. — dastarra (qölarra), ikki kişi işlatadigan A. — ğölabur A., yoğoçdan noziq buyumlar tayyorlaşda işlatiladigan A. — taxtabur A. Şakli va işlatilişiga köra, puştakli arraça, kaşakli-şadabur, bekaşak-şadabur, yirik tişli şadabur, mayinbur, yirik tişli buruş, mayin tişli buruş, noziq, pargar, pölat, sadaf, sarbur, takçir, xatbur, çap, çinğiza, şoh, beda A.lar deb yuritiladi. Texnika taraqqiy etişi b-n A.larning mexanik turlari yaratilgan. Mexanik A.larning metall kesuvçi, taxta tiluvçi va daraxt kesuvçi xillari bor. Taxta tiluvçi va metall kesuvçi A.lar plastina (polotno)li, zanjirli va diskli böladi. Örmonda daraxtlarni ağdarişda kerosin (benzin) b-n işlaydigan A.lardan foydalaniladi. Yoğoç, faner yoki yumşoq metalldan egri çiziqli şakldor buyumlar yasaşda işlatiladigan ramasimon A. lobzik deb ataladi.
Asl matn (kirill, PDF'dagidek)
АРРА — ёғоч, металл, тош, суяк, шох, садаф ва б.ни кесиш ва қирқиш учун ишлатиладиган қирра тишли асбоб. Пўлат пластинка ва дисксимон қилиб ясалади. Турлари: бир киши ишлатадиган А. — дастарра (қўларра), икки киши ишлатадиган А. — ғўлабур А., ёғочдан нозиқ буюмлар тайёрлашда ишлатиладиган А. — тахтабур А. Шакли ва ишлатилишига кўра, пуштакли аррача, кашакли-шадабур, бекашак-шадабур, йирик тишли шадабур, майинбур, йирик тишли буруш, майин тишли буруш, нозиқ, паргар, пўлат, садаф, сарбур, такчир, хатбур, чап, чинғиза, шоҳ, беда А.лар деб юритилади. Техника тараққий этиши б-н А.ларнинг механик турлари яратилган. Механик А.ларнинг металл кесувчи, тахта тилувчи ва дарахт кесувчи хиллари бор. Тахта тилувчи ва металл кесувчи А.лар пластина (полотно)ли, занжирли ва дискли бўлади. Ўрмонда дарахтларни ағдаришда керосин (бензин) б-н ишлайдиган А.лардан фойдаланилади. Ёғоч, фанер ёки юмшоқ металлдан эгри чизиқли шаклдор буюмлар ясашда ишлатиладиган рамасимон А. лобзик деб аталади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.