Arratumşuq baliqlar
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 643-b. — ziyouz.com
Arratumşuq baliqlar (Pristidae) — skatlar turkumi oilasi. Uz. 6 m gaça, oğirligi 2400 kg gaça. Tanasi yassi, kökrak suzgiçlarining çetlari boşi b-n qöşilib ketgan, jabra yoriqlari boşining ostki tomonida. Uzun tumşuqqa aylangan boşining yoni böylab tişga öxşaş ösimtalari bölganligi uçun şunday nom berilgan. 7 turi ma'lum, tropik va subtropik dengizlarda, tropik çuçuk suvlarda tarqalgan, suv tubida hayot keçiradi, tirik tuğadi. Oddiy arratumşuq (Pristis pectinalis) keng tarqalgan. Atlantika, Tinç va Hind okeanlari dengizlarida, jumladan Örta dengizning sohilga yaqin unça çuqur bölmagan joylarida, Amerika daryolarida uçraydi. Avstraliya arratumşuği (P. leichhardti) arrasi yordamida suv tubidagi loydan har xil umurtqasiz hayvonlarni kovlab olib yeydi, ba'zan mayda baliqlar b-n ham oziqlanadi. Odam uçun xavfli emas.
Asl matn (kirill, PDF'dagidek)
АРРАТУМШУҚ БАЛИҚЛАР (Pristidae) — скатлар туркуми оиласи. Уз. 6 м гача, оғирлиги 2400 кг гача. Танаси ясси, кўкрак сузгичларининг четлари боши б-н қўшилиб кетган, жабра ёриқлари бошининг остки томонида. Узун тумшуққа айланган бошининг ёни бўйлаб тишга ўхшаш ўсимталари бўлганлиги учун шундай ном берилган. 7 тури маълум, тропик ва субтропик денгизларда, тропик чучук сувларда тарқалган, сув тубида ҳаёт кечиради, тирик туғади. Оддий арратумшуқ (Pristis pectinalis) кенг тарқалган. Атлантика, Тинч ва Ҳинд океанлари денгизларида, жумладан Ўрта денгизнинг соҳилга яқин унча чуқур бўлмаган жойларида, Америка дарёларида учрайди. Австралия арратумшуғи (P. leichhardti) арраси ёрдамида сув тубидаги лойдан ҳар хил умуртқасиз ҳайвонларни ковлаб олиб ейди, баъзан майда балиқлар б-н ҳам озиқланади. Одам учун хавфли эмас.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.