Artur afsonalari
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 654-b. — ziyouz.com
Artur afsonalari - Uels (Angliya) da istiqomat qiluvçi keltlarning rivoyatlari; köplab şe'riy asarlarga mavzu bölgan. Bularga asos qilib orttlarning qirollaridan biri — qirol Artur (5 —6-a.) prototipi olingan. U anglo-sakslar istilosiga qarşi muvaffaqiyatli kuraşgan. Keltlar öz mustaqilliklarini qayta tiklaş haqidagi orzu-umidlarini Artur nomi b-n boğlaganlar. Tarixiy şaxs sifatida Artur 8- a.dan boşlab kelt va bretonlarning bard (şoir va qöşiqçi)lari ijodida, şuningdek lotin yilnomaçisi Galfrid Monmautskiyning «Britaniya qirollari tarixi» (taxm. 1137) kitobida tilga olinadi. Angliyada 13 — 14- a.larda «Artur», «Artur va Merlin», «Arturning ölimi» romanlarining tarjimasi paydo böladi. A. a. mavzuida ritsarlik haqidagi eng yaxşi ingliz romani — «Ser Gaveyn va Yaşil ritsar» nazmda yaratildi (14-a.). 15-a.da T. Malori «Artörning ölimi» romanini yezdi. Bir qator ijodkorlar öz asarlarida Artur obraziga murojaat etganlar. Mas, E. Spenser «Qiroliça fey»da, J. Drayden «Qirol Artur» opera librettosida, U. Morris «Ginevr mudofaasi» poemasida va b. M. Tvenning «Yanki qirol Artur saroyida» asarida A. a. taqlidiy-hajviy talqin etilgan.
Asl matn (kirill, PDF'dagidek)
АРТУР АФСОНАЛАРИ - Уэльс (Англия) да истиқомат қилувчи кельтларнинг ривоятлари; кўплаб шеърий асарларга мавзу бўлган. Буларга асос қилиб орттларнинг қиролларидан бири — қирол Артур (5 —6-а.) прототипи олинган. У англо-сакслар истилосига қарши муваффақиятли курашган. Кельтлар ўз мустақилликларини қайта тиклаш ҳақидаги орзу-умидларини Артур номи б-н боғлаганлар. Тарихий шахс сифатида Артур 8- а.дан бошлаб кельт ва бретонларнинг бард (шоир ва қўшиқчи)лари ижодида, шунингдек лотин йилномачиси Гальфрид Монмаутскийнинг «Британия қироллари тарихи» (тахм. 1137) китобида тилга олинади. Англияда 13 — 14- а.ларда «Артур», «Артур ва Мерлин», «Артурнинг ўлими» романларининг таржимаси пайдо бўлади. А. а. мавзуида рицарлик ҳақидаги энг яхши инглиз романи — «Сэр Гавейн ва Яшил рицар» назмда яратилди (14-а.). 15-а.да Т. Малори «Артўрнинг ўлими» романини езди. Бир қатор ижодкорлар ўз асарларида Артур образига мурожаат этганлар. Мас, Э. Спенсер «Қиролича фей»да, Ж. Драйден «Қирол Артур» опера либреттосида, У. Моррис «Гиневр мудофааси» поэмасида ва б. М. Твеннинг «Янки қирол Артур саройида» асарида А. а. тақлидий-ҳажвий талқин этилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.