Autogen maşq
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 781-b. — ziyouz.com
Autogen maşq (yun. autogenes — özi bajaradigan), autotrening — içki a'zolar funksiyasi, harakat faoliyati buzilganda öz-özini işontiriş va öz-özini boşqariş orqali şu holatdan foriğ bölişga olib keladigan psixoterapiya (ruhiy davolaş) usuli. Nemis olimi I. Şuls tomonidan taklif qilingan. A.m. biror texnik moslama (xotira, diqqat trenajeri va b.) yoki kişining öz xohiş irodasi b-n amalga oşirilişi mumkin. Bunda bemorni oyoq-qöllarini böş qöyişga, heç narsani öylamaslikka, faqat soğayib ketişga işontirişga harakat qilinadi. Bu usul boşqa ruhiy davolaş usullari b-n birga qöşib olib borilganda yaxşi naf beradi. Asosan nev yuzlarda, ayniqsa uyqu buzilganda qöllaniladi. Qisqa muddatli dam oliş va b. hollarda soğlom kişilar ham undan foydalanadilar.
Asl matn (kirill, PDF'dagidek)
АУТОГЕН МАШҚ (юн. autogenes — ўзи бажарадиган), аутотренинг — ички аъзолар функцияси, ҳаракат фаолияти бузилганда ўз-ўзини ишонтириш ва ўз-ўзини бошқариш орқали шу ҳолатдан фориғ бўлишга олиб келадиган психотерапия (руҳий даволаш) усули. Немис олими И. Шульц томонидан таклиф қилинган. А.м. бирор техник мослама (хотира, диққат тренажери ва б.) ёки кишининг ўз хоҳиш иродаси б-н амалга оширилиши мумкин. Бунда беморни оёқ-қўлларини бўш қўйишга, ҳеч нарсани ўйламасликка, фақат соғайиб кетишга ишонтиришга ҳаракат қилинади. Бу усул бошқа руҳий даволаш усуллари б-н бирга қўшиб олиб борилганда яхши наф беради. Асосан нев юзларда, айниқса уйқу бузилганда қўлланилади. Қисқа муддатли дам олиш ва б. ҳолларда соғлом кишилар ҳам ундан фойдаланадилар.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.