Avazxon

Avazxon — «Göröğli» turkumi dostonlaridagi yetakçi obrazlardan biri. Turkumga kiruvçi «Avazxon», «Gulqizoy», «Intizor», «Malika ayyor», «Maşriqo», «Zulfizar», «Bötaköz», «Qunduz bilan Yulduz», «Sarvinoz», «Balogardon», «Avazning arazi» kabi dostonlarning boş qahramoni. «Avazxon» dostonida tasvirlanişiça, A.ning otasi gurjistonlik Bulduruq qassob, onasi çambillik Guloyim. A. yoşligidan Xunxorşoh saroyida xizmat qiladi. Uning ovozasini eşitgan befarzand Göröğli hiyla b-n Çambilga olib keladi va xaloyiq örtasida qöliga ilik berib, qad. an'anaga köra, öziga öğil qilib oladi. Turkumning Xorazm nakliga köra, u vayangonlik. Boşqa dostonlarda A.ning özga mamlakatlarga safari, bu safarlar davomida özga yurt gözallarini Çambilga olib kelişi turli-tuman sarguzaştli voqealar girdobida juda ham qiziqarli tasvirlanadi. A. dostonlarda bosqinçi duşmanlarga qarşi mardonavor kuraşgan, el-yurt xizmatiga doimo tayyor turgan, ma'naviy yetuk botir sifatida kuylanadi. Asrab olgan otasi Göröğliga, Çambil yurtiga sodiq va sadoqatli farzand, eng qiyin vazifalarni uz buyniga ola olgan jasoratli alp sifatida uluğlanadi.