Avgust Krog
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 723-b. — ziyouz.com
Krog Avgust KROG (Krogh) Avgust (1874.15.11, Greno, Yutlandiya — 1949.13.9, Kopengagen) — daniyalik fiziolog. Kopengagen un-ti prof. (1916—45). Turli a'zolardagi kapillyarlar devorining anatomikfiziologik xususiyatlarini va kapillyar qon aylanişining moddalar almaşinuvidagi ahamiyatini aniqlagan. Kapillyarlar va a'zolar faoliyati örtasidagi özaro boğliqlik, hujayralar faoliyati va biologik membranalar ötkazuvçanligida ionlarning ahamiyatini tadqiq etgan. Mikrotonometriya, differensial manometriya, odam yuragidan ötadigan qonning minutlik hajmini aniqlaş kabi fiziologik usullarni işlab çiqqan. Nobel mukofoti laureati (1920).
Asl matn (kirill, PDF'dagidek)
КРОГ (Krogh) Август (1874.15.11, Грено, Ютландия — 1949.13.9, Копенгаген) — даниялик физиолог. Копенгаген ун-ти проф. (1916—45). Турли аъзолардаги капиллярлар деворининг анатомикфизиологик хусусиятларини ва капилляр қон айланишининг моддалар алмашинувидаги аҳамиятини аниқлаган. Капиллярлар ва аъзолар фаолияти ўртасидаги ўзаро боғлиқлик, ҳужайралар фаолияти ва биологик мембраналар ўтказувчанлигида ионларнинг аҳамиятини тадқиқ этган. Микротонометрия, дифференциал манометрия, одам юрагидан ўтадиган қоннинг минутлик ҳажмини аниқлаш каби физиологик усулларни ишлаб чиққан. Нобель мукофоти лауреати (1920).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.