Azroil
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 227–228-b. — ziyouz.com
Azroil — islom dinida tört boş fariştadan biri, jon oluvçi farişta. Rivoyatlarga köra, A. dastlab oddiy farişta bölgan, Alloh Odamatoni yaratiş uçun fariştalarni yerdan tuproq olib kelişga yuboradi. Yer qarşilik körsatadi va fariştalar undan bir siqim ham yulib ololmaydilar. Bu işni faqat A. bajarganligi sababli u ölimdan ustun turuvçi farişta deb hisoblangan. U tört ming qanotli, tört yuzli va tanasida yer yuzida yaşovçilar qança bölsa, şunça közi hamda tili bölgan dahşatli mahluq şaklida tasvirlanadi. A. odamlar taqdirini biladi, ammo ularning har birining öliş vaqtini bilmaydi. Bu muddat yaqinlaşganda Alloh taxti oldida ösadigan daraxtdan ölimga mahkum etilgan kişining nomi yozilgan barg uzilib yerga tuşar ekan. Şundan keyingina A. qirq kun içida uning jonini olişi kerak ekan. A. taqvodorlarning jonini osongina, gunohkorlarning jonini esa qiynab olar ekan. Joni olinayotgan odam A.ga turli qarşiliklar körsatsada, pirovard natijada yengilar ekan.
Xristianlikdagi tört asosiy farişta (arxangellar — Gavriil, Mixail, Azrail, Serafiil) islomdagi Jabroil, Mikoil, Azroil va Isrofilga muvofiq keladi. Bular Qur'onda «al-muqarrabun» (yaqinlar, yaqinlaştirilganlar) deb atalgan.
Asl matn (kirill, PDF'dagidek)
АЗРОИЛ — ислом динида тўрт бош фариштадан бири, жон олувчи фаришта. Ривоятларга кўра, А. дастлаб оддий фаришта бўлган, Аллоҳ Одаматони яратиш учун фаришталарни ердан тупроқ олиб келишга юборади. Ер қаршилик кўрсатади ва фаришталар ундан бир сиқим ҳам юлиб ололмайдилар. Бу ишни фақат А. бажарганлиги сабабли у ўлимдан устун турувчи фаришта деб ҳисобланган. У тўрт минг қанотли, тўрт юзли ва танасида ер юзида яшовчилар қанча бўлса, шунча кўзи ҳамда тили бўлган даҳшатли маҳлуқ шаклида тасвирланади. А. одамлар тақдирини билади, аммо уларнинг ҳар бирининг ўлиш вақтини билмайди. Бу муддат яқинлашганда Аллоҳ тахти олдида ўсадиган дарахтдан ўлимга маҳкум этилган кишининг номи ёзилган барг узилиб ерга тушар экан. Шундан кейингина А. қирқ кун ичида унинг жонини олиши керак экан. А. тақводорларнинг жонини осонгина, гуноҳкорларнинг жонини эса қийнаб олар экан. Жони олинаётган одам А.га турли қаршиликлар кўрсатсада, пировард натижада енгилар экан.
Христианликдаги тўрт асосий фаришта (архангеллар — Гавриил, Михаил, Азраил, Серафиил) исломдаги Жаброил, Микоил, Азроил ва Исрофилга мувофиқ келади. Булар Қуръонда «ал-муқаррабун» (яқинлар, яқинлаштирилганлар) деб аталган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.