Badanga şikast yetkaziş
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 8-b. — ziyouz.com
Badanga şikast yetkaziş - jabrlanuvçining badaniga qasddan yoki ehtiyotsizlik orqasida jismoniy zarar yetkazib, tanasining anatomik butunligini yoki a'zolaridan birining fiziologik funksiyasini buziş. ÖzR JKda B.ş.ye.ning oğirlik darajasiga qarab: qasddan badanga oğir, örtaça oğir, yengil şikast yetkaziş, kuçli ruhiy hayajonlaniş holatida qasddan badanga oğir yoki örtaça oğir şikast yetkaziş, zaruriy mudofaa çegarasidan çetga çiqib, qasddan badanga oğir şikast yetkaziş, ijtimoiy xavfli qilmiş sodir etgan şaxsni uşlaşning zarur çoralari çegarasidan çetga çiqib, badanga qasddan şikast yetkaziş (104—109-moddalar) böyiça alohida javobgarlik közda tutilgan. Sodir etilayotgan paytda hayot uçun xavfli bölgan qasddan badanga oğir şikast yetkaziş natijasida köriş, sözlaş, eşitiş qobiliyatini yöqotiş yoxud biron a'zoning işdan çiqişi yoki uning faoliyati tamoman yöqolişiga, ruhiy kasalga çalinişga yoki umuman soğliği buzilib, umumiy mehnat qobiliyatining 33% dan kam bölmagan qismining doimiy yöqolişiga yoxud badanning tuzalmaydigan darajada xunuklaşişiga sabab bölgan şikast yetkaziş qasddan badanga oğir şikast yetkaziş sanaladi va aybdor 5 y.dan 8 y.gaça muddatga; B.ş.ye. öta şafqatsizlik b-n; ommaviy tartibsizliklar jarayonida; ta'magirlik niyatida; bezorilik oqibatida; millatlararo yoki irqiy adovat zamirida; diniy taassublar zamirida; kişi a'zolarini kesib olib, boşqa kişiga köçiriş (transplantat) maqsadida; bir guruh şaxslar tomonidan sodir etilgan bölsa, 8 y.dan 10 y.gaça muddatga ozodlikdan mahrum qiliş b-n jazolanadi.
Asl matn (kirill, PDF'dagidek)
БАДАНГА ШИКАСТ ЕТКАЗИШ - жабрланувчининг баданига қасддан ёки эҳтиётсизлик орқасида жисмоний зарар етказиб, танасининг анатомик бутунлигини ёки аъзоларидан бирининг физиологик функциясини бузиш. ЎзР ЖКда Б.ш.е.нинг оғирлик даражасига қараб: қасддан баданга оғир, ўртача оғир, енгил шикаст етказиш, кучли руҳий ҳаяжонланиш ҳолатида қасддан баданга оғир ёки ўртача оғир шикаст етказиш, зарурий мудофаа чегарасидан четга чиқиб, қасддан баданга оғир шикаст етказиш, ижтимоий хавфли қилмиш содир этган шахсни ушлашнинг зарур чоралари чегарасидан четга чиқиб, баданга қасддан шикаст етказиш (104—109-моддалар) бўйича алоҳида жавобгарлик кўзда тутилган. Содир этилаётган пайтда ҳаёт учун хавфли бўлган қасддан баданга оғир шикаст етказиш натижасида кўриш, сўзлаш, эшитиш қобилиятини йўқотиш ёхуд бирон аъзонинг ишдан чиқиши ёки унинг фаолияти тамоман йўқолишига, руҳий касалга чалинишга ёки умуман соғлиғи бузилиб, умумий меҳнат қобилиятининг 33% дан кам бўлмаган қисмининг доимий йўқолишига ёхуд баданнинг тузалмайдиган даражада хунуклашишига сабаб бўлган шикаст етказиш қасддан баданга оғир шикаст етказиш саналади ва айбдор 5 й.дан 8 й.гача муддатга; Б.ш.е. ўта шафқатсизлик б-н; оммавий тартибсизликлар жараёнида; таъмагирлик ниятида; безорилик оқибатида; миллатлараро ёки ирқий адоват замирида; диний таассублар замирида; киши аъзоларини кесиб олиб, бошқа кишига кўчириш (трансплантат) мақсадида; бир гуруҳ шахслар томонидан содир этилган бўлса, 8 й.дан 10 й.гача муддатга озодликдан маҳрум қилиш б-н жазоланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.