Badaytöqay davlat qöriqxonasi
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 7-b. — ziyouz.com
Badaytöqay davlat qöriqxonasi — Amudaryoning quyi oqimida, Sulton Uvays toğlari etaklarida, daryoning öng sohilida joylaşgan qöriqxona. 1971 y.da taşkil etilgan. Mayd. 6462 ga, şundan 3975 ga töqay örmonlari b-n qoplangan (1997). Asosiy vazifasi Amudaryo atrofi ösimlik va hayvonot olamini muhofaza qiliş, töqayzorlarni ilmiy örganiş va b. Qöriqxonada 167 tur ösimlik (turanğil, jiyda, tol, qamiş, qizilmiya, kovul va b.), 138 tur quşlar (miqqiy, xiva qirğovuli, zangori kabutar, kokildor törğay, loçin, şu jumladan ötkinçi quşlar), 20 turdan köproq sut emizuvçilar — böri, tulki, quyon, qobon, börsiq va b., suv havzalarida bahri baliq, soxta lopatonos va b. yaşaydi. Qöriqxonada Özbekiston Qizil kitobiga kiritilgan 60 dan ortiq turdagi hayvonlar, jumladan 1975 y.da Tojikistondagi Romit qöriqxonasidan keltirilgan xongul (Buxoro buğusi) muvaffaqiyatli köpaytirilmoqda (2 boş urğoçi va 1 boş erkak xongul 1996 y.da 90 boşga yetdi).
Qoraqalpoğiston Respublikasining «Alohida qöriqlanadigan hududlar töğrisida»gi Qonuniga muvofiq qöriqxonaga 1993 y. 24 dek.da davlat qöriqxonasi maqomi berilgan.
Asl matn (kirill, PDF'dagidek)
БАДАЙТЎҚАЙ ДАВЛАТ ҚЎРИҚХОНАСИ — Амударёнинг қуйи оқимида, Султон Увайс тоғлари этакларида, дарёнинг ўнг соҳилида жойлашган қўриқхона. 1971 й.да ташкил этилган. Майд. 6462 га, шундан 3975 га тўқай ўрмонлари б-н қопланган (1997). Асосий вазифаси Амударё атрофи ўсимлик ва ҳайвонот оламини муҳофаза қилиш, тўқайзорларни илмий ўрганиш ва б. Қўриқхонада 167 тур ўсимлик (туранғил, жийда, тол, қамиш, қизилмия, ковул ва б.), 138 тур қушлар (миққий, хива қирғовули, зангори кабутар, кокилдор тўрғай, лочин, шу жумладан ўткинчи қушлар), 20 турдан кўпроқ сут эмизувчилар — бўри, тулки, қуён, қобон, бўрсиқ ва б., сув ҳавзаларида баҳри балиқ, сохта лопатонос ва б. яшайди. Қўриқхонада Ўзбекистон Қизил китобига киритилган 60 дан ортиқ турдаги ҳайвонлар, жумладан 1975 й.да Тожикистондаги Ромит қўриқхонасидан келтирилган хонгул (Бухоро буғуси) муваффақиятли кўпайтирилмоқда (2 бош урғочи ва 1 бош эркак хонгул 1996 й.да 90 бошга етди).
Қорақалпоғистон Республикасининг «Алоҳида қўриқланадиган ҳудудлар тўғрисида»ги Қонунига мувофиқ қўриқхонага 1993 й. 24 дек.да давлат қўриқхонаси мақоми берилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.