Badiiy körgazmalar direksiyasi
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 13-b. — ziyouz.com
Badiiy körgazmalar direksiyasi BADIIY KÖRGAZMALAR DIREKSIYASI, Badiiy körgazmalar va panoramalar direksiyasi — muzey maqomiga ega bölgan mustaqil ijodiy i.ç. muassasasi; Özbekiston Badiiy Akademiyasi qaramoğida (1997 y.dan; bungaça Özbekiston Respublikasi Madaniyat işlari vazirligi tasarrufida bölgan). 1959 y.da Toşkentda taşkil etilgan. B.k.d. özbek san'atini keng tarğib qiliş va ommalaştiriş, Özbekiston hududida va undan taşqarida özbek va jahon san'ati körgazmalari taşkil etiş, Respublika BA badiiy qadriyatlar jamğarmasi, muzeylar xazinasi va şaxsiy töplamlarni töldiriş b-n boğliq bölgan işlarni amalga oşiradi, tasviriy san'at asarlariga buyurtmalar beriş va sotib oliş, ularni saqlaş b-n şuğullanadi. Muzey faoliyati tomoşabin dunyoqaraşini kengaytirişga qaratilgan. Muzey tuzilganidan beri ÖzR ning turli çekka tumanlarida, sobiq Ittifoq, MDH va çet mamlakatlardagi muzey va suratlar galereyalarida 4 mingdan ziyod körgazmalar uyuştirdi. Muzeyning 13 mingdan ortiq (1997) badiiy qadriyatlarga ega bölgan xazinasi, badiiy saloni, xöjalik xizmatiga ega bölgan körgazma zali bor.
Muzey örta asrlar Örta Osiyo me'morligi an'analarida 1934 y.da qurilgan binoda joylaşgan (me'mori A. I. Petelin, K. V. Babiyevskiy). Binoning peştoqi yoysimon bölib, rangdor koşinlar b-n bezatilgan (Özbekiston xalq rassomi M. Rahimov çizmasi asosida); yoğoç öymakorligining ajoyib namunasi bölgan eşikni usta M. Qosimov boşçiligidagi bir guruh xalq ustalari yaratgan. Bino interyerida yoysimon ravoqli derazalar köp, bir-biriga tutaş (anfiladali) 4 ta haşamatli xonalari uzaro yoysimon ravoqlar b-n boğlangan.
Asl matn (kirill, PDF'dagidek)
БАДИИЙ КЎРГАЗМАЛАР ДИРЕКЦИЯСИ, Бадиий кўргазмалар ва панорамалар дирекцияси — музей мақомига эга бўлган мустақил ижодий и.ч. муассасаси; Ўзбекистон Бадиий Академияси қарамоғида (1997 й.дан; бунгача Ўзбекистон Республикаси Маданият ишлари вазирлиги тасарруфида бўлган). 1959 й.да Тошкентда ташкил этилган. Б.к.д. ўзбек санъатини кенг тарғиб қилиш ва оммалаштириш, Ўзбекистон ҳудудида ва ундан ташқарида ўзбек ва жаҳон санъати кўргазмалари ташкил этиш, Республика БА бадиий қадриятлар жамғармаси, музейлар хазинаси ва шахсий тўпламларни тўлдириш б-н боғлиқ бўлган ишларни амалга оширади, тасвирий санъат асарларига буюртмалар бериш ва сотиб олиш, уларни сақлаш б-н шуғулланади. Музей фаолияти томошабин дунёқарашини кенгайтиришга қаратилган. Музей тузилганидан бери ЎзР нинг турли чекка туманларида, собиқ Иттифоқ, МДҲ ва чет мамлакатлардаги музей ва суратлар галереяларида 4 мингдан зиёд кўргазмалар уюштирди. Музейнинг 13 мингдан ортиқ (1997) бадиий қадриятларга эга бўлган хазинаси, бадиий салони, хўжалик хизматига эга бўлган кўргазма зали бор.
Музей ўрта асрлар Ўрта Осиё меъморлиги анъаналарида 1934 й.да қурилган бинода жойлашган (меъмори А. И. Петелин, К. В. Бабиевский). Бинонинг пештоқи ёйсимон бўлиб, рангдор кошинлар б-н безатилган (Ўзбекистон халқ рассоми М. Раҳимов чизмаси асосида); ёғоч ўймакорлигининг ажойиб намунаси бўлган эшикни уста М. Қосимов бошчилигидаги бир гуруҳ халқ усталари яратган. Бино интерьерида ёйсимон равоқли деразалар кўп, бир-бирига туташ (анфиладали) 4 та ҳашаматли хоналари узаро ёйсимон равоқлар б-н боғланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.