Badriddin Kaşmiriy
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 20–21-b. — ziyouz.com
Badriddin Kaşmiriy (töliq ismi Badriddin ibn Abdussalom ibn Sayyid Ibrohim al-Husayniy alkaşmiriy) (16-a. 2-yarmi) — tarixçi, adib, şoir. 1554 y. Kaşmirdan Buxoroga kelgan va Jöybor xojalaridan Xoja Muhammad Islom va uning vorislari Xoja Sa'd va Xoja Tojiddin Hasanning şaxsiy kotibi bölgan. B. K. Abdullaxon II ga bağişlangan «Zafarnoma» dostoni (1593), köplab masnaviy, ğazallar, şuningdek umumiy tarixning Şayboniyxongaça bölgan davrini qamrab olgan «Rasulnoma» asarini yozgan. B. K.ning bizgaça yetib kelgan tarixiy asarlaridan biri «Ravzat arrizvon va hadiqat alğilmon» («Rizvon (farişta) boği va ğilmon böstoni») bölib, u taxm. 1589—90 y.larda yozilgan. Asar muqaddima, xotima va 7 bobdan (boblar fasllarga ajratilgan) iborat bölib, Jöybor xojalarining hayoti, ularning şayboniy sultonlari b-n olib borgan yozişmalariga bağişlangan. Unda Movarounnahrning 16- a. 2-yarmidagi iqtisodiysiyosiy ahvoli, madaniy hayoti, Buxoro xonligining Eron, Şim. Hindiston, Qaşqar, Xorazm, qozoqlar, qirğizlar b-n siyosiy aloqalariga oid köplab ma'lumotlarni uçratiş mumkin.
Asl matn (kirill, PDF'dagidek)
БАДРИДДИН КАШМИРИЙ (тўлиқ исми Бадриддин ибн Абдуссалом ибн Саййид Иброҳим ал-Ҳусайний алкашмирий) (16-а. 2-ярми) — тарихчи, адиб, шоир. 1554 й. Кашмирдан Бухорога келган ва Жўйбор хожаларидан Хожа Муҳаммад Ислом ва унинг ворислари Хожа Саъд ва Хожа Тожиддин Ҳасаннинг шахсий котиби бўлган. Б. К. Абдуллахон II га бағишланган «Зафарнома» достони (1593), кўплаб маснавий, ғазаллар, шунингдек умумий тарихнинг Шайбонийхонгача бўлган даврини қамраб олган «Расулнома» асарини ёзган. Б. К.нинг бизгача етиб келган тарихий асарларидан бири «Равзат арризвон ва ҳадиқат алғилмон» («Ризвон (фаришта) боғи ва ғилмон бўстони») бўлиб, у тахм. 1589—90 й.ларда ёзилган. Асар муқаддима, хотима ва 7 бобдан (боблар фаслларга ажратилган) иборат бўлиб, Жўйбор хожаларининг ҳаёти, уларнинг шайбоний султонлари б-н олиб борган ёзишмаларига бағишланган. Унда Мовароуннаҳрнинг 16- а. 2-ярмидаги иқтисодийсиёсий аҳволи, маданий ҳаёти, Бухоро хонлигининг Эрон, Шим. Ҳиндистон, Қашқар, Хоразм, қозоқлар, қирғизлар б-н сиёсий алоқаларига оид кўплаб маълумотларни учратиш мумкин.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.