Balujlar
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 70-b. — ziyouz.com
Balujlar (özlarini baluç, baloç deyişadi) — Pokiston (4 mln. kişi) va Eron (1,4 mln. kişi, 1992)dagi xalq. Şuningdek Afğoniston, Turkmaniston (28,3 ming kişi, 1989) va arab mamlakatlarida ham yaşaydi. Umumiy soni 5,7 mln. kişi (1992). Baluj tilida sözlaşadi. B. islom dinining sunniy mazhabiga e'tiqod qilişadi.
B. köçmançi çorvaçilik va dehqonçilik b-n şuğullanadi. Arab geograflarining ma'lumotlariga köra B. Kermon va uning şarqiy qismida, Seyistonda yaşagan va köçmançi çorvadorlik b-n şuğullangan. B. bu yerlarga arablar istilosidan taxm. 300 y. avval kelib joylaşgan. Ingliz olimi M. Longuors Deymsning tadqiqotlariga köra B.ning vatani Şim. Eron bölib, eftaliylarning Şim. Eronga qilgan hujumi (6-a.) natijasida B. Kermonga köçişgan. Keyingi asrlarda yaylov yerlarining tanqisligi ularni astasekin şarqqa siljişga majbur etgan. 11—14-a.lar davomida B. yaşagan hudud hoz. Balujiston joylaşgan yerlargaça kengayadi. 19-a.ning oxiri — 20-a. boşlarida Afgoniston va Eron Seyistonida yaşovçi B.ning bir qismi Turkmaniston respublikasi Mari va Çorjöy viloyatiga köçib kelib joylaşadilar. B. ayrim guruhlari Farğona vodiysi va Qaşqadaryoning quyi oqimlarida joylaşgan Buguç qişloğida ham yaşaganlar.
Asl matn (kirill, PDF'dagidek)
БАЛУЖЛАР (ўзларини балуч, балоч дейишади) — Покистон (4 млн. киши) ва Эрон (1,4 млн. киши, 1992)даги халқ. Шунингдек Афғонистон, Туркманистон (28,3 минг киши, 1989) ва араб мамлакатларида ҳам яшайди. Умумий сони 5,7 млн. киши (1992). Балуж тилида сўзлашади. Б. ислом динининг сунний мазҳабига эътиқод қилишади.
Б. кўчманчи чорвачилик ва деҳқончилик б-н шуғулланади. Араб географларининг маълумотларига кўра Б. Кермон ва унинг шарқий қисмида, Сейистонда яшаган ва кўчманчи чорвадорлик б-н шуғулланган. Б. бу ерларга араблар истилосидан тахм. 300 й. аввал келиб жойлашган. Инглиз олими М. Лонгуорс Деймснинг тадқиқотларига кўра Б.нинг ватани Шим. Эрон бўлиб, эфталийларнинг Шим. Эронга қилган ҳужуми (6-а.) натижасида Б. Кермонга кўчишган. Кейинги асрларда яйлов ерларининг танқислиги уларни астасекин шарққа силжишга мажбур этган. 11—14-а.лар давомида Б. яшаган ҳудуд ҳоз. Балужистон жойлашган ерларгача кенгаяди. 19-а.нинг охири — 20-а. бошларида Афгонистон ва Эрон Сейистонида яшовчи Б.нинг бир қисми Туркманистон республикаси Мари ва Чоржўй вилоятига кўчиб келиб жойлашадилар. Б. айрим гуруҳлари Фарғона водийси ва Қашқадарёнинг қуйи оқимларида жойлашган Бугуч қишлоғида ҳам яшаганлар.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.