Bamiya
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 78-b. — ziyouz.com
Bamiya BAMIYA, Gambo (Hibiscus esculentus L.) — gulxayridoşlar oilasiga mansub bir yillik ösimlik. Böyi 2,5 m gaça boradi. Taşqi körinişi va gullaşi b-n ğözaga öxşaydi. Vatani — Şarqiy Afrika. Navlari sabzavot va tola beradigan guruhlarga bölinadi. Hindiston, Afrika va AQŞda tola olinadigan navlari ekiladi. Yetilmagan kösaksimon mevasi sabzavot kökat tarzida suyuq ovqat va salatlarga işlatiladi. Mevasida 3% oqsil, 0,5% yoğ, 8% uglevodlar, pişgan uruği tarkibida 18% moy bor. Mevasini xomligiça yeyiş, pişiriş, qovuriş, konservalaş mumkin. Poyasi oq dağal tola beradi; qovurilgan uruğidan sun'iy kofe tayyorlanadi. Tropik, subtropik mamlakatlarda, Şim. Amerika, Jan. Yevropa, Zakavkazye, Krim, Ukrainaning janubi, qisman Örta Osiyoda, asosan, sabzavot ekini sifatida yetiştiriladi.
Asl matn (kirill, PDF'dagidek)
БАМИЯ, Гамбо (Hibiscus esculentus L.) — гулхайридошлар оиласига мансуб бир йиллик ўсимлик. Бўйи 2,5 м гача боради. Ташқи кўриниши ва гуллаши б-н ғўзага ўхшайди. Ватани — Шарқий Африка. Навлари сабзавот ва тола берадиган гуруҳларга бўлинади. Ҳиндистон, Африка ва АҚШда тола олинадиган навлари экилади. Етилмаган кўсаксимон меваси сабзавот кўкат тарзида суюқ овқат ва салатларга ишлатилади. Мевасида 3% оқсил, 0,5% ёғ, 8% углеводлар, пишган уруғи таркибида 18% мой бор. Мевасини хомлигича ейиш, пишириш, қовуриш, консервалаш мумкин. Пояси оқ дағал тола беради; қовурилган уруғидан сунъий кофе тайёрланади. Тропик, субтропик мамлакатларда, Шим. Америка, Жан. Европа, Закавказье, Крим, Украинанинг жануби, қисман Ўрта Осиёда, асосан, сабзавот экини сифатида етиштирилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.