Bananxörlar
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 79-b. — ziyouz.com
Bananxörlar BANANXÖRLAR, turako (Musophagidae) — kakkusimonlar turkumiga kiradigan quşlar oilasi, 18 taça turi bor. Oğirligi 250 g dan 1 kg gaça. Turatsin va turakoverdin kabi maxsus pigmentlar patlarining rangiga yarqiragan yaşil va kök tus berib turadi. Sahroi Kabirdan jan.da Afrikaning örmonlari va savannalarida yaşaydi. B. köp vaqtini daraxt şoxlarida ötkazadi. Köpinça daraxt şoxlariga uya qöyadi. 2 ta tuxum bosadi. Tuxum bosişi 3 haftaga yaqin davom etadi. Jöjalari 6 haftadan keyin uyani taşlab ketadi. Bu quşlarga bananxör deb notöğri nom berilgan. Ular banan b-n emas, balki buta va daraxtlarning kurtaklari, meva va uruğlari b-n oziqlanadi. Vakillari: kokildor turako (Corythaeola cristata), Efiopiya turakosi (Turaco ruspolii),T. bannermani turlari Tabiatni muhofaza qiliş xalqaro ittifoqi (TMQXI)ning Qizil kitobiga kiritilgan.
Asl matn (kirill, PDF'dagidek)
БАНАНХЎРЛАР, турако (Musophagidae) — каккусимонлар туркумига кирадиган қушлар оиласи, 18 тача тури бор. Оғирлиги 250 г дан 1 кг гача. Турацин ва тураковердин каби махсус пигментлар патларининг рангига ярқираган яшил ва кўк тус бериб туради. Саҳрои Кабирдан жан.да Африканинг ўрмонлари ва саванналарида яшайди. Б. кўп вақтини дарахт шохларида ўтказади. Кўпинча дарахт шохларига уя қўяди. 2 та тухум босади. Тухум босиши 3 ҳафтага яқин давом этади. Жўжалари 6 ҳафтадан кейин уяни ташлаб кетади. Бу қушларга бананхўр деб нотўғри ном берилган. Улар банан б-н эмас, балки бута ва дарахтларнинг куртаклари, мева ва уруғлари б-н озиқланади. Вакиллари: кокилдор турако (Corythaeola cristata), Эфиопия туракоси (Turaco ruspolii),T. bannermani турлари Табиатни муҳофаза қилиш халқаро иттифоқи (ТМҚХИ)нинг Қизил китобига киритилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.