Bangkok
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 80-b. — ziyouz.com
Bangkok BANGKOK, B a n k o k — Tailand poytaxti. Mamlakatning jan.da, Menamçao-Praya daryosining çap sohilida (öng sohilida B.ning bir qismi — Tonburi joylaşgan). Aholisi 5,5 mln. kişi (1993). Köpçiligi siyomliklar, qisman xitoylar. B. mamlakatning eng katta şahri, siyosiy, iqtisodiy va madaniy markazi, yirik taşqi savdo porti, xalqaro miqyosdagi aeroport bor. B.da mamlakat sanoat korxonalarining yarmidan köpi, jumladan eng yirik kemasozlik, taxta tiliş, qoğoz, kimyo, yengil va oziq-ovqat sanoati korxonalari, töqimaçilik f-kalari, metal-lsozlik, maşinasozlik, badiiy hunarmandçilik ustaxonalari joylaşgan. Şahar atrofida sement, neftni qayta işlaş, traktor va avtomobil yiğuv z-dlari bor. Şoli oqlaş poytaxt sanoatining asosiy tarmoğidir. Mamlakatning 75% eksporti va 90 % importi B. orqali ötadi. Un-t (1917), ijtimoiy fanlar unti, tasviriy san'at unti, tibbiyot, q. x., politexnika in-tlari, radiostansiyalar va telemarkaz, milliy muzey, kutubxonalar, önlab teatr va kinoteatrlar bor. B.ning markaziy qismida qirol qarorgohi, asosiy ma'muriy va hukumat binolari, saroylar, budda ibodatxonalari joylaşgan. Tailandning qadimiy poytaxti Ayutiya ş. Birma qöşinlari tomonidan (1767) buzilgandan keyin qirol qarorgohi 1769 y. B.ga köçirildi va 1782 y. B. rasman poytaxt deb e'lon qilindi.
Asl matn (kirill, PDF'dagidek)
БАНГКОК, Б а н к о к — Таиланд пойтахти. Мамлакатнинг жан.да, Менамчао-Прая дарёсининг чап соҳилида (ўнг соҳилида Б.нинг бир қисми — Тонбури жойлашган). Аҳолиси 5,5 млн. киши (1993). Кўпчилиги сиёмликлар, қисман хитойлар. Б. мамлакатнинг энг катта шаҳри, сиёсий, иқтисодий ва маданий маркази, йирик ташқи савдо порти, халқаро миқёсдаги аэропорт бор. Б.да мамлакат саноат корхоналарининг ярмидан кўпи, жумладан энг йирик кемасозлик, тахта тилиш, қоғоз, кимё, енгил ва озиқ-овқат саноати корхоналари, тўқимачилик ф-калари, метал-лсозлик, машинасозлик, бадиий ҳунармандчилик устахоналари жойлашган. Шаҳар атрофида цемент, нефтни қайта ишлаш, трактор ва автомобиль йиғув з-длари бор. Шоли оқлаш пойтахт саноатининг асосий тармоғидир. Мамлакатнинг 75% экспорти ва 90 % импорти Б. орқали ўтади. Ун-т (1917), ижтимоий фанлар унти, тасвирий санъат унти, тиббиёт, қ. х., политехника ин-тлари, радиостанциялар ва телемарказ, миллий музей, кутубхоналар, ўнлаб театр ва кинотеатрлар бор. Б.нинг марказий қисмида қирол қароргоҳи, асосий маъмурий ва ҳукумат бинолари, саройлар, будда ибодатхоналари жойлашган. Таиланднинг қадимий пойтахти Аютия ш. Бирма қўшинлари томонидан (1767) бузилгандан кейин қирол қароргоҳи 1769 й. Б.га кўчирилди ва 1782 й. Б. расман пойтахт деб эълон қилинди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.