Baqo Hamidoviç Tojiyev
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 444–445-b. — ziyouz.com
Tojiyev Baqo Hamidoviç (1913 — Samarkand — 1989.1.9) — aktyor, rej., Özbekiston xalq artisti (1978). T. xarakterli rollar ustasi sifatida tanilgan. Yaratgan obrazlarini yorqin böyoqlarda körsatiş, ijroda kuçli dramatizm, ifoda vositalarini töğri va aniq tanlaş, sahna madaniyatini öz meyorida uşlab turiş uning ijodiga xosdir. T.ning yirik xarakterdagi ta'sirçan obrazlari teatr san'atiga katta hissa bölib qöşildi: Şodi (U. Ismoilov, «Hodi va Şodi»), Umurzoq, Xolmat, Rözi a'lam (Hamza, «Xolisxon», «Boy ila xizmatçi», «Maysaraning işi»), vazir Qoraxon (S. Hayitboyev, H. Razzoqov, «Nodira»), Şopur (Navoiy, «Farhod va Şirin»), Mahkamboy (Ş. Sa'dulla, D. Zokirov, «Dalada bayram»), Boltaboy, Örgilsin toğa (D. Fayziy, «Zarafşon kizi», «Atlasxon»),Rodrigo (U. Şekspir, «Otello»), Pramod (P. Dos, «Buzilgan bola»), Agnostoz (G. Figeyredo, «Ezop»), Sulaymon (U. Hojibekov, «Arşin mol olon»), Farhod (X. Muxtorov, «Muhabbat guli») kabi fojiaviy va hajviy, dramatik rollari bilan tanilgan. Rej. sifatida «Muhabbat guli» (X. Muxtorov), «Farzand», «Onalar» (Soli Ismoilzoda), «Nurxon», «Gulsara» (K. Yaşin), «Kim aybdor?» (O. Tolipov), «Ayajonlarim» (A. Qahhor), «Beş kunlik kuyov» (Şuhrat), «Kampirning makri» (G. Stefanskiy) kabi spektakllarni sahnalaştirgan. T. bir qança filmlar («Pomir bolalari», «Qora kölankalar», «Uluğbek yulduzi», «Hamza», «Farzandlar» kabi)da ham suratga tuşgan.
Asl matn (kirill, PDF'dagidek)
ТОЖИЕВ Бақо Ҳамидович (1913 — Самарканд — 1989.1.9) — актёр, реж., Ўзбекистон халқ артисти (1978). Т. характерли роллар устаси сифатида танилган. Яратган образларини ёрқин бўёқларда кўрсатиш, ижрода кучли драматизм, ифода воситаларини тўғри ва аниқ танлаш, саҳна маданиятини ўз меъёрида ушлаб туриш унинг ижодига хосдир. Т.нинг йирик характердаги таъсирчан образлари театр санъатига катта ҳисса бўлиб қўшилди: Шоди (У. Исмоилов, «Ҳоди ва Шоди»), Умурзоқ, Холмат, Рўзи аълам (Ҳамза, «Холисхон», «Бой ила хизматчи», «Майсаранинг иши»), вазир Қорахон (С. Ҳайитбоев, Ҳ. Раззоқов, «Нодира»), Шопур (Навоий, «Фарҳод ва Ширин»), Маҳкамбой (Ш. Саъдулла, Д. Зокиров, «Далада байрам»), Болтабой, Ўргилсин тоға (Д. Файзий, «Зарафшон кизи», «Атласхон»),Родриго (У. Шекспир, «Отелло»), Прамод (П. Дос, «Бузилган бола»), Агностоз (Г. Фигейредо, «Эзоп»), Сулаймон (У. Ҳожибеков, «Аршин мол олон»), Фарҳод (X. Мухторов, «Муҳаббат гули») каби фожиавий ва ҳажвий, драматик роллари билан танилган. Реж. сифатида «Муҳаббат гули» (X. Мухторов), «Фарзанд», «Оналар» (Соли Исмоилзода), «Нурхон», «Гулсара» (К. Яшин), «Ким айбдор?» (О. Толипов), «Аяжонларим» (А. Қаҳҳор), «Беш кунлик куёв» (Шуҳрат), «Кампирнинг макри» (Г. Стефанский) каби спектаклларни саҳналаштирган. Т. бир қанча фильмлар («Помир болалари», «Қора кўланкалар», «Улуғбек юлдузи», «Ҳамза», «Фарзандлар» каби)да ҳам суратга тушган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.