Barakatxon ibn Davlat Malik
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 102-b. — ziyouz.com
Barakatxon ibn Davlat Malik (? -1246) — Jaloliddin xorazmşohning nufuzli amirlaridan biri. Otasi — Davlat Malik Xorazmşoh Malşadning öğli Ğiyosiddin Pirşohning amiri bölgan. Davlat Malik Eron Ozarbayjonidagi Zanjon yaqinidagi jangda halok bölgaç (1224), B. Ozarbayjondagi ildegiziylar hukmdori Oğabek Özbek qölida tarbiya topgan. Jaloliddin Hindistondan qaytib Tabrizni olgandan söng (1225), B. uning xizmatiga kirgan va tez orada yirik laşkarboşilaridan biriga aylangan. Jaloliddin halok bölganidan söng (1231 y. avg.), B. uning boşqa amirlari Qirxon, Ilon Buğo, Saruxon, Berdixon (Xonberdi) qatorida Alouddin Kayqubod qöşiniga kirgan. Ammo Kayqubodning vafotidan söng uning vorisi Kayxusrav xorazmiylar qömondoni B.ni öziga qarşi fitnada iştirok etganlikda ayblab hibsga oladi. Şunda xorazmlik boşqa amirlar isyon kötarib, B.ni ozod qiladilar va mamlakatni talontaroj qilib ketadilar. 1237 — 46 y.larda B. boşçiligidagi xorazmiylar Yaqin Şarq hukmdorlarining özaro nizolarida iştirok etganlar. 1246 y. B. Şom viloyatlari birlaşgan qöşini tomonidan mağlub etilib, jangda halok bölgan, qöşini tarqab ketgan. Bir qism qöşin B.ning öğli qömondonligida xalifa xizmatiga ötgan.
Asl matn (kirill, PDF'dagidek)
БАРАКАТХОН ибн Давлат Малик (? -1246) — Жалолиддин хоразмшоҳнинг нуфузли амирларидан бири. Отаси — Давлат Малик Хоразмшоҳ Малшаднинг ўғли Ғиёсиддин Пиршоҳнинг амири бўлган. Давлат Малик Эрон Озарбайжонидаги Занжон яқинидаги жангда ҳалок бўлгач (1224), Б. Озарбайжондаги илдегизийлар ҳукмдори Оғабек Ўзбек қўлида тарбия топган. Жалолиддин Ҳиндистондан қайтиб Табризни олгандан сўнг (1225), Б. унинг хизматига кирган ва тез орада йирик лашкарбошиларидан бирига айланган. Жалолиддин ҳалок бўлганидан сўнг (1231 й. авг.), Б. унинг бошқа амирлари Қирхон, Илон Буғо, Сарухон, Бердихон (Хонберди) қаторида Алоуддин Кайқубод қўшинига кирган. Аммо Кайқубоднинг вафотидан сўнг унинг вориси Кайхусрав хоразмийлар қўмондони Б.ни ўзига қарши фитнада иштирок этганликда айблаб ҳибсга олади. Шунда хоразмлик бошқа амирлар исён кўтариб, Б.ни озод қиладилар ва мамлакатни талонтарож қилиб кетадилар. 1237 — 46 й.ларда Б. бошчилигидаги хоразмийлар Яқин Шарқ ҳукмдорларининг ўзаро низоларида иштирок этганлар. 1246 й. Б. Шом вилоятлари бирлашган қўшини томонидан мағлуб этилиб, жангда ҳалок бўлган, қўшини тарқаб кетган. Бир қисм қўшин Б.нинг ўғли қўмондонлигида халифа хизматига ўтган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.