Bavosir

Bavosir BAVOSIR, gemorroy — töğri içakning pastki qismi, xususan orqa çiqaruv yöli venalarining tuguntugun bölib kengayişi. Intoksikatsiya, allergiya, mexanik ta'sirotlar: venalarning ösma, ayollarda homilali baçadon b-n ezilişi, uzoq muddat oyoqda yurib yoki ötirib işlaş, ovqatga ruju qiliş, alkogolizm, surunkali qabziyat, şuningdek içki a'zolarning turli kasalliklari va b. sabab böladi. B. avj olişida irsiy moyillik ham ma'lum ahamiyatga ega. Keçişiga köra ötkir, surunkali, qaytalaydigan, tugunlar orqa çiqaruv teşigida joylaşişiga qarab taşqi, içki va aralaş xillari tafovut qilinadi. Orqa çiqaruv yöli sohasida biror narsa tiqilgandek oğirlik, açişiş, qiçişiş, ba'zan hojat çoğida oğriq kuzatiladi; keyinçalik gemorroidal qon ketişi mumkin (najasda qon böladi). Agar B.da gemorroidal tugunlar tiqilib qolsa yoki yalliğlansa, qattiq oğriq beradi, harorat kötariladi, qabziyat kuzatiladi. Vaqtida oldi olinmasa, uzoq vaqt qon ketib yurişi — kamqonlikka, içki gemorroidal tugunlar tuşişi yoki qisilişiga olib keladi. B.ni davolaşda vanna qabul qiliş, oğriq qoldiruvçi şamça qöyiş tavsiya etiladi, parhez buyuriladi. Oğirroq hollarda jarrohlik usuli qöllaniladi. B.ning oldini oliş uçun qabziyatga yöl qöymaslik; hojatdan keyin orqa çiqaruv teşigi sohasini iliq suv b-n yuvişga odatlaniş, kam harakat kişilar badantarbiya b-n şuğullanişlari lozim.