Baydarka va kanoeda eşkak eşiş

Baydarka va kanoeda eşkak eşiş — sport turi, poygalar va slalomdan iborat. B. va k.e.e. musobaqalari 19-a.ning 60-y.larida Yevropaning köpgina mamlakatlarida eşkakçilar klublari paydo bölgandan söng boşlandi va avval baydarkalarda, keyin kanoeda sport poygalari ötkaziladigan böldi. Xalqaro kanoe federatsiyasi (IKF, 1946 y. taşkil topgan) 54 milliy federatsiyani birlaştiradi (1991). 1936 y.dan B. va k.e.e. olimpiya öyinlari dasturiga kiritilgan, 1938 y.dan jahon çempionatlari ötkaziladi. Baydarkalardagi musobaqalar ayollar va erkaklar örtasida, kanoeda esa — faqat erkaklar örtasida böladi. Baydarkalar bir kişilik, ikki kişilik va tört kişilik, kanoe — bir kişilik va ikki kişilik. 1972 y.dan baydarka va kanoeda slalom musobaqalari olimpiada musobaqalari dasturiga tajriba tariqasida kiritilgan. Özbekistonda bu sport turi havaskorlari 50-y.lardan suv havzalari, anhor va daryolarda maşq qilib, musobaqalarda qatnaşa boşladilar. Özbekiston terma jamoasi 1996 y.gi 26-yozgi olimpiya öyinlarida va ayniqsa 1997 y.gi Osiyo birinçiligida muvaffaqiyatli iştirok etdi. Sokçasiti (Jan. Koreya) ş.da bölgan qit'a çempionatida 12 oltin, 11 kumuş, 9 bronza medali qölga kiritilib, birinçi örin egallandi. Jamoa muvaffaqiyatiga xalqaro sport ustalari aka-uka S. va V. Şoislomovlar (kanoe), D. Kovalenko (kanoe), T. Levina, I. Lyalina, A. Şpiganoviç, I. Isakova (baydarka) katta hissa qöşişdi. Özbekiston B. va k.e.e. jamoasi 13-Osiyo öyinlari (Bangkok, 1998) çempioni nomini ham oldi, B. va k.e.e. böiiça asosiy sport bazalari Toşkent dengizi, Çorvoq suv ombori, Samarqand eşkak eşuvçilar kanalidadir.