Bayot

Bayot — 1) Ön ikki maqom tizimidagi muayyan şö'balar nomi (mas, Navrözi Bayot, Bayoti Ajam);

2) Şaşmaqomda Navo, Xorazm maqomlarida Navo va Dugoh maqomlari tarkibidagi şö'balar. Asosiy pardalar tovuş qatori re ioniy - fa ioniyga töğri keladi. Şaşmaqomning Navo maqomi tarkibida Talqini B. (taronasi b-n), Nasri B. (taronalari b-n) va Ufori B. şö'balaridan taşqari çolğu qismlardan Muxammasi B. mavjud. B. kuyi asosida yaratilgan namud esa bir neça körinişlarga ega bölib, Navo maqomi tarkibidagi şö'balarning avjlarida keng qöllaniladi;

3) Toşkent-Farğona maqom yöllarida beş qismli yirik aşula turkumi. Ularning parda tuzilişi Şaşmaqomdagi B. şö'balarining aynan özidir. B. qismlari bir-biridan, asosan usul jihatdan farqpanadi va mustaqil nomlarga ega emas. B. I — Saraxbor, B. II — Tarona, B. III — Savt, B. IV — Talqinça, B. V— Soqiynoma (yoki Qaşqarça) usullarida ijro etiladi. Ular şö'ba şaklida tuzilgan bölib, avjlarida Navo va B. namudlaridan unumli foydalanilgan. B.ning öziga xos yöli hisoblangan Hofiz Şeroziy ğazali b-n aytiladigan B.i Şeroziy ham beş qismdan iborat turkumli asardir. Bastakorlar B. asosida köplab kuy, qöşiq va aşulalar yaratgan (Öyin B.i, Dutor B.i, Çapandozi B. va h.k.). Yu. Rajabiy («Layli va Majnun», «Muqanna» musiqali dramalari), V. Uspenskiy, G. Muşel («Farhod va Şirin» musiqali dramasi), M. Aşrafiy («Dilorom» operasi) va b. ijodida B. yöllaridan foydalangan.