Bayram kunlari
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 33-b. — ziyouz.com
Bayram kunlari - muhim voqealarga bağişlangan, an'ana sifatida nişonlanadigan, iş kuni hisoblanmaydigan kunlar. Özbekiston Respublikasi hududida quyidagi kunlar bayram (dam oliş) kunlari deb belgilangan: 1 yanvar — Yangi yil; 8-mart — Xotin-qizlar kuni; 21 mart — Navröz bayrami; 9 may — Xotira va qadrlaş kuni; 1 sentyabr — Mustaqillik kuni; 1 oktyabr — Öqituvçi va murabbiylar kuni; 8 dekabr — Konstitutsiya kuni; Röza hayiti (Iyd al-Fitr)ning birinçi kuni; Qurbon hayiti (Iyd al-Adha)ning birinçi kuni. I.ç.-texnika şaroitlari va b. şaroitlarga (uzluksiz işlaydigan korxonalar, obyektlarni qöriqlaş, ularning xavfsizligini ta'minlaş qabilarga) köra işni töxtatib turiş mumkin bölmagan joylarda, aholiga xizmat körsatiş zarurati bölgan işlarda, şuningdek keçiktirib bölmaydigan ta'mirlaş va yuk ortiştuşiriş işlarida B.k. işlaşga yöl qöyiladi. B.k. bajarilgan işlar uçun kamida ikki hissa miqdorida haq tölanadi. Tölanadigan haqning aniq miqdori jamoa şartnomasida, agar u tuzilmagan bölsa, iş beruvçi tomonidan kasaba uyuşmasi qömitasi yoki xodimlarning boşqa vakillik organi b-n kelişib belgilanadi. B.k. dagi iş xodimning xohişiga qarab boşqa dam oliş kuni (otpusk) beriş b-n qoplanişi mumkin. B.k. dagi iş yoxud iş vaqtidan taşqari bajarilgan iş uçun boşqa dam oliş kuni berilgan taqdirda, bunday işlar uçun kamida bir hissa miqdorda mehnat haqi tölanadi.
Asl matn (kirill, PDF'dagidek)
БАЙРАМ КУНЛАРИ - муҳим воқеаларга бағишланган, анъана сифатида нишонланадиган, иш куни ҳисобланмайдиган кунлар. Ўзбекистон Республикаси ҳудудида қуйидаги кунлар байрам (дам олиш) кунлари деб белгиланган: 1 январь — Янги йил; 8-март — Хотин-қизлар куни; 21 март — Наврўз байрами; 9 май — Хотира ва қадрлаш куни; 1 сентябрь — Мустақиллик куни; 1 октябрь — Ўқитувчи ва мураббийлар куни; 8 декабрь — Конституция куни; Рўза ҳайити (Ийд ал-Фитр)нинг биринчи куни; Қурбон ҳайити (Ийд ал-Адҳа)нинг биринчи куни. И.ч.-техника шароитлари ва б. шароитларга (узлуксиз ишлайдиган корхоналар, объектларни қўриқлаш, уларнинг хавфсизлигини таъминлаш қабиларга) кўра ишни тўхтатиб туриш мумкин бўлмаган жойларда, аҳолига хизмат кўрсатиш зарурати бўлган ишларда, шунингдек кечиктириб бўлмайдиган таъмирлаш ва юк ортиштушириш ишларида Б.к. ишлашга йўл қўйилади. Б.к. бажарилган ишлар учун камида икки ҳисса миқдорида ҳақ тўланади. Тўланадиган ҳақнинг аниқ миқдори жамоа шартномасида, агар у тузилмаган бўлса, иш берувчи томонидан касаба уюшмаси қўмитаси ёки ходимларнинг бошқа вакиллик органи б-н келишиб белгиланади. Б.к. даги иш ходимнинг хоҳишига қараб бошқа дам олиш куни (отпуск) бериш б-н қопланиши мумкин. Б.к. даги иш ёхуд иш вақтидан ташқари бажарилган иш учун бошқа дам олиш куни берилган тақдирда, бундай ишлар учун камида бир ҳисса миқдорда меҳнат ҳақи тўланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.