Bedarak yöqolgan deb topiş

Bedarak yöqolgan deb topiş — fuqarolarning huquqiy taqdirini hal qiluvçi yuridik fakt. Agar fuqaroning qayerdaligi haqida uning yaşaş joyida bir yil davomida ma'lumotlar bölmasa, manfaatdor şaxslarning arizasiga muvofiq, sud bu fuqaroni B. y. d. t.i mumkin. ÖzR Fuqarolik kodeksi 33-moddasiga binoan, yöqolgan şaxs töğrisida oxirgi ma'lumotlar olingan kunni aniqlaş mumkin bölmasa, bedarak yöqolgan deb hisoblaş muddati yöqolgan şaxs töğrisida oxirgi ma'lumotlar olingan oydan keyingi oyning birinçi kunidan, bu oyni belgilaş mumkin bölmagan taqdirda esa — keyingi yilning 1 yanvaridan boşlanadi. Bedarak yöqolgan deb topilgan fuqaroning mol-mulkini doimiy suratda boşqarib turiş zarur bölsa, bu mol-mulk sudning qaroriga muvofiq vasiylik va homiylik organi tomonidan belgilanadigan va uşbu organ b-n tuziladigan işonçli boşqaruv töğrisidagi şartnoma asosida iş olib boradigan şaxsga topşiriladi. Uşbu mol-mulkdan bedarak yöqolgan şaxs qonunga muvofiq boqi-şi kerak bölgan fuqarolarga ta'minot beriladi va uning soliklar va b. maj-buriyatlar böyiça qarzlari tölanadi. Vasiylik va homiylik organi yöqolgan fuqaroning qayerdaligi töğrisida ma'lumot olingan kundan boşlab bir yil ötganga qadar ham uning mol-mulkini muhofaza qiluvçi şaxsni belgila-şi mumkin. Şaxsni B. y. d. t.ning34- moddada nazarda tutilmagan oqibatlari qonun b-n belgilanadi. Bedarak yöqolgan deb to-pilgan fuqaro qaytib kelgan yoki uning turar joyi aniqlangan taqdirda, sud uni B. y. d. t. haqidagi qarorni bekor qiladi. Sudning qarori asosida fukaroning mol-mulkini boşqariş bekor qilinadi (ÖzR f-k 34 — 35 moddalari).